Rydym yn byw’n hirach ac wrth i ni heneiddio, rydym yn profi newidiadau naturiol yn ein bywydau. Yn y sesiwn gyntaf hon byddwn yn cyflwyno’r cysyniad o Heneiddio’n Iach, a’r pethau yr hoffem eu gwneud, neu barhau i’w gwneud, wrth i ni heneiddio.

Mae gweithgarwch corfforol a symudiad rheolaidd yn fuddiol i ni ym mhob oed a gall newidiadau bach nawr arwain at fanteision mawr yn y dyfodol. Dysgwch fwy am sut y gall gweithgarwch corfforol helpu’r broses heneiddio a sut y gallwn ei gyflwyno’n fwy yn ein bywydau bob dydd.

Dysgwch am y pethau y gallwn eu gwneud i’n helpu i gael digon o egni i gwblhau’r gweithgareddau sy’n bwysig i ni.

Mae rhai newidiadau i’n hymennydd, fel ein cof a’n sgiliau meddwl, yn rhan arferol o heneiddio. Dysgwch am y pethau y gallwn eu gwneud i wella iechyd ein hymennydd a lleihau ein risg o ddatblygu cyflyrau ymennydd fel dementia.

Mae bwyta deiet iach a chytbwys yn chwarae rhan bwysig wrth ofalu am ein hiechyd a’n lles ein hunain. Dysgwch am fwyd a hydradu yn ogystal ag atchwanegiadau i ofalu am iechyd ein hesgyrn wrth i ni heneiddio.

Nid yw cwympo yn rhan anochel o heneiddio. Dysgwch am y pethau y gallwn eu gwneud i leihau ein risg o gwympo wrth i ni heneiddio.

Pan fyddwn yn meddwl am fynd yn hŷn, rydym yn aml yn ystyried gwneud newidiadau i’n hamgylchedd ein hunain. Dysgwch am y pethau y gallwch chi eu gwneud  i barhau i fyw’n annibynnol, mwynhau eich cartref a rheoli’r gweithgareddau dyddiol sy’n bwysig i chi.

Nodau yw pethau rydyn ni eisiau eu gwneud sy’n bwysig i ni. Dysgu am lunio cynlluniau gweithredu sy’n darparu strwythur i sut y byddwn yn cyflawni ein nodau.

Mae straen a gorbryder yn ymateb arferol i sefyllfaoedd anodd neu bryderus yn ein bywydau. Dysgwch sut i adnabod arwyddion a symptomau straen a’r pethau y gallwn eu gwneud i’w reoli.

Mae cwsg yn weithred hanfodol sy’n caniatáu i’n corff a’n meddwl orffwys a magu nerth. Dysgwch am y pethau y gallwn eu gwneud i wella ansawdd ein cwsg er mwyn teimlo’n fwy ymlaciol  ac egnïol.

Gall y term “lles meddyliol” olygu gwahanol bethau i wahanol bobl, gan ddisgrifio’n gyffredinol sut rydym yn meddwl, yn teimlo neu’n ymdopi ar adegau penodol yn ein bywydau. Dysgwch am bethau y gallwn eu gwneud i fagu nerth i hybu ein lles meddyliol.

Bydd cadw’n egnïol a rhoi’r wybodaeth, y sgiliau a’r hyder rydyn ni wedi’u hennill o’r cwrs hwn ar waith yn ein galluogi ni i gyd i fyw’n dda wrth i ni heneiddio. Dysgwch fwy am sut y gallwn barhau i symud ymlaen, datblygu a chynnal arferion iach ac edrych ymlaen at ddyfodol o heneiddio’n dda.