Ymunwch â’n Grŵp Cydgynhyrchu a Gadewch i ni weithio gyda’n gilydd!
‘Cydweithio – Cefnogi pobl i fyw yn iach gyda chyflyrau hirdymor yng Nghaerdydd a’r Fro’
Mae ein fforwm yn cyfarfod yn fisol ar-lein, gan roi cyfle i gydweithio i gydgynhyrchu ffyrdd gwahanol o gefnogi pobl gyda chyflyrau hirdymor yng Nghaerdydd a’r Fro! Mae’r fforwm yn agored i unrhyw un sy’n angerddol am wella iechyd a lles pobl yng Nghaerdydd a’r Fro.
Mae croeso i bawb:
- Unrhyw un sy’n derbyn gofal iechyd
- Gofalwyr
- Sefydliadau cymunedol
- Elusennau/sefydliadau’r trydydd sector
- Staff Gofal Iechyd
"Rwy’n cyfrannu i’r fforwm hwn ar hyn o bryd, sy’n cyfarfod yn rheolaidd ar-lein, gan roi cyfle i gydweithio er mwyn cyd-gynhyrchu ffyrdd gwahanol o gefnogi pobl â chyflyrau tymor hir yng Nghaerdydd a’r Fro. Mae fy mhrofiad hyd yn hyn wedi bod yn gadarnhaol iawn. Mae ein holl waith a’n syniadau yn cael eu hadolygu’n rheolaidd, a gallwn weld y cynnydd rydyn ni’n ei wneud ym mhob sesiwn. Mae pob syniad a chyfraniad yn cael ei glywed a’i werthfawrogi. Mae’r fforwm yn agored i unrhyw un sy’n angerddol am wella iechyd a lles pobl yr ardal."
Gweithgareddau sydd ar y gweill
Yn y bôn, mae’n ffordd i ni gydweithio gan ddefnyddio ein gwybodaeth, ein sgiliau a’n profiadau unigol i gefnogi pobl i fyw’n dda.
Mae cyd-gynhyrchu yn golygu ein bod ni i gyd yn cymryd rhan fel partneriaid cyfartal. Mae’n gyfle i bawb gyflawni mwy nag y gallen nhw ar eu pennau eu hunain.
Dydyn ni ddim wedi ein cyfyngu i ddim ond rhoi adborth ac aros am ganlyniadau – rydyn ni’n rhannu perchnogaeth o’r camau gweithredu ac yn cydweithio er mwyn creu atebion.
Perthynas, ymddiriedaeth, gwybodaeth a rhannu uchelgeisiau.
Mae’r sesiynau yn cael eu cynnal yn rhithiol, yn fisol. Gallwch chi gyfrannu cyn lleied neu gymaint o amser ag y dymunwch.
Popeth sy’n ymwneud â chefnogi pobl sydd â chyflyrau hirdymor yng Nghaerdydd a’r Fro! Mae’r fforwm yn ymdrechu i gydweithio fel cymuned i ddatblygu cefnogaeth a gwasanaethau, gan gyrraedd yr hyn sy’n wirioneddol bwysig i boblogaeth Caerdydd a’r Fro.
Mae’r fforwm eisoes wedi cynhyrchu nifer enfawr o syniadau sydd wedi cael eu datblygu mewn ffyrdd gwahanol. Weithiau bydd trafodaeth lawn mewn grwpiau ar un pwnc; weithiau byddwn yn rhannu’n grwpiau llai yn ôl ein diddordebau; weithiau bydd pobl yn cwrdd y tu allan i’r grŵp os oes pwnc neu faes penodol sydd angen mwy o waith a thrafodaeth.
Dyma rai enghreifftiau –
- Pwysigrwydd digidol
- Sut i ddatblygu rhwydweithiau cymorth
- Cynhwysiad
- Cydraddoldeb o ran mynediad
- Sut mae gwella’r ardaloedd aros mewn ysbytai
Mae llawer o bobl yn y grŵp ac un o’r llwyddiannau allweddol yw’r perthnasoedd a’r rhwydweithiau sydd wedi’u ffurfio, gan gydweithio a rhannu uchelgeisiau.
