Adferiad ar ôl salwch critigol

Yng Nghymru, mae tua 10,000 o bobl yn cael eu derbyn i ofal critigol y flwyddyn.

Bydd llawer o’r cleifion hynny’n ‘ddifrifol wael’ pan fyddan nhw’n cael eu derbyn sy’n golygu bod un neu fwy o’u horganau mawr yn methu (e.e. calon, ysgyfaint, iau, arennau).

Bydd rhai pobl yn cyfeirio at ofal critigol fel ICU, ITU, gofal dwys, HDU neu ddibyniaeth uchel, sy’n gallu bod yn ddryslyd. Ar y dudalen we hon, at ddiben yr wybodaeth sy’n cael ei darparu, byddwn yn cyfeirio ato fel gofal critigol.

Mae gan yr uned gofal critigol ystod eang o staff sy’n cynnwys meddygon gofal critigol, nyrsys a gweithwyr gofal iechyd proffesiynol eraill sy’n gallu defnyddio amrywiaeth o offer a meddyginiaethau i roi cymorth i organau, triniaeth ac adferiad i’ch helpu i wella.