Datblygiad corfforol
Mae datblygiad corfforol yn rhan bwysig o dyfu, wrth i blant ddysgu meistroli rheolaeth dros eu corff.
Mae datblygiad corfforol yn cynnwys cerrig milltir fel, dysgu rholio, eistedd, cropian a sefyll. Mae’n bwysig cydnabod bod pob plentyn yn datblygu ar gyflymder gwahanol. Mae’r gweithgareddau a fydd yn hyrwyddo datblygiad yn cynnwys, digon o chwarae llawr, gweithgareddau awyr agored a bod mewn amgylcheddau ysgogol.
Os yw eich plentyn yn cael trafferth gyda cherrig milltir datblygiadol, efallai y bydd y wybodaeth a’r dolenni isod yn ddefnyddiol i chi a’ch plentyn.
Sgiliau Echddygol Bras
Cefnogi fy mhlentyn i ddatblygu ei sgiliau echddygol bras
Os yw'ch plentyn yn cael anhawster gyda symudiadau corff cyfan, megis hopian, rhedeg neu sgiliau cydsymud â’r dwylo, mae gan y Gwasanaeth Therapi Galwedigaethol i Blant a Phobl Ifanc rywfaint o arweiniad ar helpu i ddatblygu sgiliau echddygol bras eich plentyn.
Sgiliau Echddygol Manwl
Gwybodaeth ddefnyddiol i rieni a gofalwyr
Mae sgiliau echddygol manwl yn cynnwys y cyhyrau bach sy'n gweithio gyda'r ymennydd a'r system nerfol i reoli symudiadau mewn ardaloedd fel y dwylo, y bysedd, gwefusau, y tafod a'r llygaid. Drwy ddatblygu'r sgiliau echddygol manwl hyn, bydd eich plentyn yn gallu cyflawni sgiliau fel bwyta, ysgrifennu, trin gwrthrychau a gwisgo.
Gellir dod o hyd i gyngor ynghylch sut i annog sgiliau fel defnyddio cyllyll a ffyrc, llawysgrifen a gwisgo ar y tudalennau Therapi Galwedigaethol i Blant a Phobl Ifanc.
Patrymau cerdded
Patrymau cerdded
O gerdded ar flaenau’r traed, i gerdded â’r traed tuag i mewn a cherdded â’r traed tuag allan, a thraed gwastad, mae Podiatreg Plant a Ffisiotherapi Plant yn rhoi arweiniad ar rai o'r cyflyrau cerddediad mwyaf cyffredin.
Oedi datblygiadol
Gellir atgyfeirio plant at ffisiotherapi os nad ydynt yn cyrraedd eu cerrig milltir echddygol. Os ydych chi’n aros i gael eich gweld gan yr adran Ffisiotherapi, byddem yn eich annog i ddarllen yr adnoddau isod ac ymarfer y cyngor sy’n adlewyrchu galluoedd eich plentyn orau ar eu cam nhw.
Sylwch mai canllaw yn unig yw’r ystodau oedran – mae pob plentyn yn datblygu ar wahanol gyflymder.
0-6 mis
Taflen Amser Bola Babi
Cynhyrchwyd gan y Gymdeithas Ffisiotherapyddion Siartredig Pediatrig.
Teganau a Chwarae ar gyfer plant 0-3 mis
Taflen gan EiSMART
Teganau a Chwarae ar gyfer plant 3-6 mis
Taflen gan EiSMART
Syniadau Amser Effro
Cynhyrchwyd gan y Gymdeithas Ffisiotherapyddion Siartredig Pediatrig.
Taflen gorwedd ar eu hochr
Taflen gan EiSMART
Rholio drosodd
Taflen gan EiSMART
6-9 mis
Cael hwyl yn eistedd
Taflen gan EiSMART
Syniadau Chwarae ar gyfer plant 6-9 mis oed
Taflen gan EiSMART
Syniadau ar gyfer symud o orwedd i eistedd
Cynhyrchwyd gan y Gymdeithas Ffisiotherapyddion Siartredig Pediatrig.
9-12 mis
Syniadau Chwarae 9-12 mis
Taflen gan EiSMART
12-24 mis
Syniadau Chwarae 12-24 mis
Taflen gan EiSMART
Mae’n bwysig cofio na fydd pob plentyn yn dysgu symud yn y ffordd glasurol. Er enghraifft, mae llawer o blant yn symud ar eu pen-olau ac nid ydynt yn cropian ac yn mynd yn syth i sefyll a cherdded y ffordd honno.
Gall ffisiotherapydd asesu eich plentyn i helpu i ddeall y rheswm dros ei oedi. Bydd y rhesymau dros hyn yn unigol iawn i’ch plentyn. Fodd bynnag, gyda phrofiad, mae rhai rhesymau cyffredin a all gyfrannu at gyflwyniad eich plentyn. Mae’r rhain yn cynnwys:
- Ddim yn cael digon o amser ar y llawr i ymarfer
- Mae rhieni yn rhoi adborth i ni eu bod yn teimlo nad ydynt yn siŵr sut i gefnogi datblygiadau echddygol eu plentyn.
