Ymwybyddiaeth Alcohol
Gall yfed alcohol yn gymedrol fod yn bleserus, ond gall yfed gormod neu ‘oryfed mewn pyliau’ gael effaith niweidiol ar ein hiechyd a’n llesiant ac ar eraill o’n cwmpas.
Gall yfed yn rheolaidd ac yn drwm arwain at ddirywiad mewn iechyd meddwl a llesiant. Er y gallwn deimlo’n hamddenol ar ôl diod, gall effeithiau hirdymor alcohol effeithio ar iechyd meddwl ac arwain at deimladau o iselder a phryder.
Os ydych chi’n poeni am rywun rydych chi’n ei adnabod neu’n gofalu amdano, cysylltwch â’ch meddyg teulu sy’n gallu eich cyfeirio at weithiwr gofal iechyd proffesiynol addas.
Faint yw gormod?
Cyhoeddodd Prif Swyddogion Meddygol y DU ganllawiau yfed alcohol yn 2016, yn seiliedig ar ymchwil a thystiolaeth a gafodd eu casglu dros fwy nag 20 mlynedd.
Canllawiau Alcohol
Er mwyn cadw risgiau iechyd yn isel, y cyngor yw peidio ag yfed mwy nag 14 uned mewn wythnos (i ddynion a menywod). Rhannwch yr alcohol dros 3 diwrnod neu fwy, a pheidiwch ag yfed gormod ar unrhyw un diwrnod. Os ydych chi’n feichiog, neu’n ceisio beichiogi, y cyngor gorau yw peidio ag yfed o gwbl. Mae’n gallu bod yn anodd cyfrif faint o unedau sydd mewn diodydd. Os dych chi ddim yn siŵr, defnyddiwch y gyfrifiannell ar-lein hon i’ch helpu i gyfrif faint rydych chi’n ei yfed. I gael rhagor o wybodaeth, darllenwch y daflen ‘Meddwl am eich Yfed’.
Yfed llai o alcohol
Dyw yfed llai o alcohol ddim yn golygu rhoi’r gorau i yfed alcohol, ond mae rhai pethau syml y gallech eu hystyried:
- Ceisiwch newid eich diod arferol am rywbeth llai, er enghraifft, gwydraid llai o win neu botel o gwrw yn lle peint.
- Yfwch ddiod cryfder is gyda llai o unedau neu gynnwys alcohol is (ABV).
- Yfwch ddiod feddal neu wydraid o ddŵr bob yn ail â diodydd alcoholig
- Dim ond yfed alcohol gyda phryd o fwyd.
Mae gwneud newidiadau bach i’ch arferion yfed a dilyn y cyngor hwn yn gallu cael effaith bositif ar eich iechyd a hefyd yn arbed arian i chi. Dysgwch ragor am y problemau iechyd sy’n gysylltiedig ag yfed gormod, a hefyd am effaith bosibl eich hoff ddiod ar eich pwysau.
Ffyrdd o ymlacio heb alcohol
Mae llawer ohonom yn defnyddio alcohol i ymlacio ar ddiwedd wythnos brysur ond mae llawer o ffyrdd eraill y gallwn ni ymlacio, fel cael bath moethus, dechrau hobi newydd neu siarad â ffrindiau.
Dyma ychydig o ffyrdd i ymlacio heb alcohol:
- Darllen llyfr da
- Mynd am dro yn yr awyr agored
- Ymarfer ioga neu wneud ymarfer corff o’ch dewis
Gwasanaethau ymwybyddiaeth cyffuriau ac alcohol lleol
Mae Bwrdd Iechyd Prifysgol Caerdydd a’r Fro yn cynnig amrywiaeth o wasanaethau’r GIG sydd wedi’u cynllunio i helpu pobl sy’n cael problemau gyda defnyddio alcohol a / neu gyffuriau. Mae rhagor o wybodaeth ar gael yma.
Ffynonellau cymorth pellach i Oedolion
- Alcohol Change
- Llinell gymorth cyffuriau ac alcohol DAN 247 Cymru
- EDAS (Mynediad i wasanaethau cyffuriau ac alcohol)
- Tîm Alcohol a Chyffuriau Caerdydd
- Camddefnyddio Cyffuriau a Sylweddau Alcohol
- Gall rhaglentherapi SilverCloudGofod rhag Alcohol eich helpu deall eich perthynas gydag yfed, dysgu’r ffeithiau am alcohol a’ch iechyd, a meithrin sgiliau i wneud newidiadau sy’n teimlo’n iawn i chi. Am fwy o wybodaeth, ewch i.
