Poen yng Ngwaelod y Cefn

Mae’r rhan fwyaf o bobl yn dioddef o broblemau gwaelod y cefn ar ryw adeg yn eu bywydau. Maen nhw’n gyffredin iawn. Y rhan fwyaf o’r amser dydy hyn ddim yn golygu niwed gwirioneddol i’ch cefn.

Os yw’n beth newydd, yn aml does dim angen i chi ofyn am gyngor gan feddyg neu therapydd ar gyfer eich problem gyda gwaelod y cefn. Nid oes angen pelydrau-x, sganiau a thriniaeth fel arfer.

Cyn belled ag y bo modd, mae’n well parhau â’ch gweithgareddau bob dydd arferol cyn gynted ag y gallwch chi ac i ddal i symud.

Ni fydd bod yn egnïol ac ymarfer corff yn gwneud eich poen cefn yn waeth, hyd yn oed os oes gennych ychydig o boen a theimlad anghysurus i ddechrau. Bydd cadw’n heini yn eich helpu i wella. Bydd cymryd poenladdwyr hefyd yn gallu eich helpu i wneud hyn.  Mae bron pob poen cefn yn dechrau pylu o fewn pythefnos ac yn setlo o fewn chwe wythnos. Am ragor o wybodaeth am boen yng nghwaelod y cefn sy’n para’n hir gweler ein Taflen 10 ffaith am y cefn. 

O bryd i’w gilydd bydd gan gleifion sydd â phoen yng ngwaelod y cefn boen yn eu coes sy’n gysylltiedig â’r cefn. Dim ond poen yn y goes y bydd gan rai cleifion ac ni fydd ganddyn  nhw boen yng ngwaelod y cefn.

Os oes gennych boen yn eich coes sy’n gysylltiedig â’r cefn is, efallai bod gennych seiatica neu stenosis asgwrn cefn meingefnol.

Bydd tua hanner y bobl sydd â seiatica, (math o boen coes sy’n gysylltiedig â gwaelod y cefn) yn teimlo gwelliant sylweddol ymhen 12 wythnos heb unrhyw driniaeth benodol.

•  
• Er enghraifft, gall fod yn rhywbeth sy’n gysylltiedig â chwaraeon neu’n gysylltiedig â gwaith (codi rhywbeth lletchwith neu rywbeth sy’n rhy drwm ar gyfer eich lefel o gyflyru corfforol/ffitrwydd).
• Cynnydd neu leihad sydyn yn eich lefelau ymarfer corff/gweithgaredd arferol.
• Mae nifer o ffactorau wedi cael eu cysylltu â phoen gwaelod y cefn gan gynnwys cyfnodau o straen cynyddol, pryder neu hwyliau isel. Mae cwsg gwael, blinder, ysmygu neu ludded hefyd yn ffactorau sy’n gysylltiedig â phoen gwaelod y cefn.
• Yn aml nid yw achos problemau gwaelod y cefn yn amlwg a’r ffordd orau o weithredu yw canolbwyntio ar y pethau a allai helpu.

Os hoffech gael cyngor am feddyginiaeth neu ddulliau eraill o liniaru poen i’ch helpu i reoli eich poen yn well siaradwch â’ch fferyllydd cymunedol.

Gall meddyginiaeth poen helpu i leihau poen a’ch helpu i symud yn fwy cyfforddus, a all eich helpu i wella.

Wrth gymryd meddyginiaeth poen, mae’n bwysig ei gymryd yn rheolaidd.

Rhaglen ESCAPE-Pain ar gyfer poen Cefn

Mae ESCAPE-pain ar gyfer poen cefn yn rhaglen adsefydlu grŵp sydd wedi’i chynllunio’n benodol ar gyfer pobl sydd â phoen cefn.

Mae’r rhaglen yn cael ei darparu gan dîm o weithwyr adsefydlu proffesiynol yn eich canolfan hamdden leol. Byddwch yn mynychu 12 sesiwn i gyd – ddwywaith yr wythnos am 6 wythnos, gan ddysgu strategaethau ac ymarferion i’ch helpu i reoli eich symptomau’n well.

I ddysgu mwy am ESCAPE-Pain ac i gyfeirio eich hun at y rhaglen, dilynwch y ddolen hon.

Sesiynau MANAGE BACKS 

Mae Bwrdd Iechyd Prifysgol Caerdydd a’r Fro yn cynnig sesiwn o’r enw MANAGE BACKS, gyda’r nod o’ch helpu i reoli poen yng ngwaelod y cefn.

I ddysgu mwy am Sesiwn MANAGE BACKS, dilynwch y ddolen hon.