Ar gyfer rhieni plant ifanc ag anabledd dysgu sy’n dod i’r amlwg

Mae Dulliau Cadarnhaol Cynnar ar gyfer Cynorthwyo (E-PAtS)

Mae Dulliau Cadarnhaol Cynnar ar gyfer Cynorthwyo (E-PAtS) yn rhaglen 8 wythnos a gafodd ei chynllunio i rymuso rhieni plant 0-5 oed ag anabledd dysgu sy’n dod i’r amlwg.

Dros gyfnod o 8 wythnos, mae’r rhaglen yn datblygu eich dealltwriaeth o feysydd allweddol sy’n ceisio eich cynorthwyo gyda datblygiad eich plentyn.

Y camau allweddol hyn yw:

Cefnogaeth gyda chwsg

Cyfathrebu (gan sylwi ar y ffyrdd y mae plant dieiriau yn cyfathrebu)

Deall ymddygiad heriol

Cefnogaeth ynghylch cyrchu gwasanaethau

Lles emosiynol a gwytnwch ar gyfer gofalwyr.

Cafodd y rhaglen ei chyd-gynhyrchu gan rieni sy’n ofalwyr profiadol i blant ag anableddau dysgu a’r seicolegydd clinigol Dr Nick Gore. Mae’n seiliedig ar egwyddorion Cymorth Ymddygiad Cadarnhaol a’r ‘pethau y mae rhieni sy’n ofalwyr yn dymuno y byddent wedi gwybod mwy amdanynt pan oedd eu plant yn iau’. Y tudalennau ychwanegol hynny yn y llawlyfr magu plant!

Y nod yw creu ymdeimlad o gymuned a chysylltiad i rieni sy’n ofalwyr a lleihau’r ymdeimladau o unigedd a bai a chywilydd.

Mae hefyd yn ceisio lleihau’r risg o ymddygiad heriol cyn cyrraedd argyfwng a chyfyngu’r effaith y mae’r ymddygiadau hyn yn ei chael ar blant, teuluoedd a gweithwyr proffesiynol. Trwy roi’r sgiliau i rieni er mwyn iddynt allu diwallu anghenion y plant hyn yn gynnar.

Beth mae ein rhieni yn ei ddweud

"Mae wedi rhoi’r hyder i mi allu sefyll i fyny a dweud ie/na wrth rai pethau ynglŷn â fy mhlentyn. Rhwng EPAtS a fy therapi gydag Alice, roeddwn i’n teimlo cymaint o rymusrwydd yn gwneud cynllun datblygu unigol fy mab gyda’r holl ‘weithwyr proffesiynol hyn yn yr ystafell.”

"Rwyf wir yn credu yn ethos EPAtS, fel y mae’n rhoi’r wybodaeth a’r sgiliau sydd eu hangen arnom i ddiwallu anghenion ein plentyn, fel rhieni/gofalwyr sy’n rhoi gofal. Wrth ddiwallu eu hanghenion unigol mae ein bywyd teuluol wedi gwella’n sylweddol."

"Rwy’n ei chael hi’n llawer haws i drafod fy mhroblemau gyda fy merch oherwydd nid fi yw’r unig un sy’n teimlo fel hyn."

"Mae wedi gwneud ein dyddiau yn fwy gobeithiol.”

"Roedd clywed am brofiadau Sarah yn anhygoel ac roedd clywed gan y rhieni eraill wedi helpu llawer. Roedd dysgu am gyfathrebu a lles yn help mawr hefyd."

EPAtS

Cerdd a gafodd ei hysgrifennu gan Judy, riant ofalwr a fynychodd EPAtS ac sydd bellach yn hwylusydd:

Rhywle draw dros yr enfys 🌈 fri i’r nef
Mae fy myd yn gwneud synnwyr,
Mae eraill yn fy neall ‘fyd.
Rhywle draw dros yr enfys 🌈 mae bywyd yn braf
Mae dyddiau’n llawn pethau hapus fel roeddwn yn gobeithio y gallan nhw fod.
Rhyw ddydd dymunais o dan y sêr,
Am ychydig o gefnogaeth a dyma fe.
Lle bydd eraill yn gwrando a deall.
Nid yw mor anodd pan fydd pobl yn ceisio.
Lle mae materion yn pylu fel eira yn toddi
A chyngor cadarn ar ble i fynd, ble i ddod o hyd iddo?
Rhywle draw dros yr enfys 🌈 i fyny fri,
Mae ‘na grŵp EPATs sy’n ein huno ni.

Dyma rai o’r hwyluswyr proffesiynol sy’n rhedeg ein grŵp E-PAtS:

Dr Emma Johnston,
Seicolegydd Clinigol

Dr Alice Horton,
Seicolegydd Cwnsela

Claire George,
Therapydd Seicolegydd a Chynghorydd Gwybodus Cefnogaeth Ymddygiadol Gadarnhaol

Hayley Williams,
Cynghorydd Datblygu Plant

Sarah

Cassie

Rebecca

Judy

Mae ein Hwyluswyr Rhieni sy’n Ofalwyr sy’n hwyluso EPAtS, yn cynnwys:

Ble a phryd mae’r sesiynau?

Ar hyn o bryd rydym yn rhedeg grwpiau EPAtS mewn gwahanol leoliadau o amgylch Caerdydd, y Fro ac ar-lein. Maen nhw fel arfer yn digwydd yn ystod y tymor, gyda rhai cyfleusterau yn cynnig gofal plant, felly does dim rhaid i chi boeni am drefnu gofal plant.

Sut alla i gofrestru?

I gael mynediad at EPAtS, gellir hunangyfeirio drwy’r Porth (Caerdydd) ar 08000 327 322 neu Linell Gyngor Teuluoedd yn Gyntaf (y Fro) ar 03000 133 133. Gall atgyfeiriadau gael eu gwneud drwy eich ymwelydd iechyd neu gallwch chi drefnu atgyfeiriad eich hun.

Am fwy o wybodaeth, cysylltwch â Dr Emma Johnston, Seicolegydd Clinigol – Arweinydd Gwasanaeth: emma.johnston2@wales.nhs.uk neu 07971 360561 neu
Hannah Newton, Gweithiwr Iechyd Meddwl Graddedig: hannah.newton@wales.nhs.uk neu 07977 659002.

Pwy sy’n cyflwyno’r sesiynau?

Mae’r rhaglen yn cael ei darparu gan hwylusydd gofalwr proffesiynol a rhiant sydd wedi cael eu hyfforddi yn y rhaglen ac mae ganddynt brofiad o gefnogi plant ag anableddau dysgu a’u teuluoedd. Yn y modd hwn, bydd cyd-gynhyrchu yn cynnig rhywfaint o gymorth ymarferol, realistig a sensitif i chi mewn amgylchedd nad yw’n barnu.

Bore Coffi Llygad

Unwaith y mis, mae croeso i deuluoedd yr ydym yn gweithio gyda nhw ymuno â’n boreau coffi. Drwy ddod â theuluoedd sy’n cael profiadau tebyg ynghyd, ein nod yw creu rhwydwaith cymorth lle mae rhieni sy’n ofalwyr yn cael eu gwerthfawrogi, mae pobl yn gwrando arnynt ac yn datblygu eu pentref. Mae’r boreau coffi yn rhad ac am ddim i’w mynychu, ac nid oes angen i chi archebu, dim ond troi i fyny! Mae croeso i blant hefyd!

Am fwy o wybodaeth, cysylltwch â: llygad.eye.cav@wales.nhs.uk

Cynghori unigol a Chyplau

Pan fydd rhieni’n bwriadu cael plentyn, yn gyffredinol nid ydyn nhw’n disgwyl iddyn nhw gael anghenion datblygu ychwanegol. Felly, pan fyddan nhw’n dechrau sylweddoli bod gan eu plentyn anghenion datblygiadol ychwanegol, neu os yw eu plentyn yn cael diagnosis (boed hynny yn ystod beichiogrwydd, genedigaeth neu rywbryd wedyn) gall hyn sbarduno llawer o emosiynau gwahanol.

Mae rhieni yn adrodd teimladau o sioc, gwadu, galar, pryder, euogrwydd, dicter, straen, blinder a llawer mwy. Mae’r rhain yn ymatebion arferol i sefyllfa annisgwyl. Gall rhieni hefyd weld rhai sefyllfaoedd brawychus iawn megis yn ystod yr enedigaeth, ymchwiliadau meddygol neu driniaethau a allai eu gwneud yn teimlo’n drawmatig. Felly, rydym yn cynnig cwnsela i rieni/gofalwyr er mwyn rhoi lle diogel iddyn nhw archwilio a gwneud synnwyr o’r teimladau anodd hyn heb ofni beirniadaeth.

Am fwy o wybodaeth, cysylltwch ag: eyp.parentcounselling@wales.nhs.uk

Adborth gan rieni sydd wedi derbyn cyngor:

"Cyn derbyn cwnsela roeddwn braidd yn amheus a fyddai’n helpu o gwbl ond rwy’n gallu dweud yn onest bod Alice wedi fy helpu mewn cymaint o ffyrdd nad ydw i’n gallu dechrau disgrifio.

Roedd cael ein hapwyntiadau bob pythefnos wir yn helpu fy iechyd meddwl. Roedd Alice bob amser yn ddiduedd ac roedd bob amser yn fy helpu i edrych ar fy mhroblemau o safbwynt gwahanol. Gwnaeth i mi feddwl am resymau pam y byddwn i’n teimlo am sefyllfaoedd gwahanol ac yn fy helpu i ymchwilio i atgofion fy mhlentyndod i wneud synnwyr o fy nheimladau. Wrth fynd trwy ddiagnosis fy mab, roeddwn yn gyson yn ymateb drwy ymladd neu ffoi, yn byw ar fy nerfau a bob amser yn disgwyl y gwaethaf. Ond gyda phob sesiwn roeddwn i’n gallu teimlo bod tensiwn yn pylu’n araf, Nawr, dw i ddim yn dweud bod pethau’n fêl i gyd, ond rhoddodd Alice gymaint o offer defnyddiol i mi i’m helpu pan rwy’n gwybod y byddaf dan straen. Mae hi wedi fy helpu i ddeall fy sbardunau ac wedi fy helpu i roi strategaethau ar waith pan rwy’n teimlo fy mod i’n cael fy llethu.

Mae Alice bob amser yn gadael i mi siarad ac yn gwrando gyda chlust garedig a dyw hi byth yn fy marnu. Helpodd i mi fagu hyder ac mae rhai pethau rwy’n eu gwneud nawr yn fy mywyd bob dydd na fyddwn i wedi’u gwneud heb ei hanogaeth. Mae’n ymwneud â theimlo’r ofn a’i wneud beth bynnag!

Rwy’n credu yr hoffwn i rieni eraill wybod bod cael rhywun i siarad â nhw sydd wedi gwahanu’n llwyr oddi wrth eich teulu, ffrindiau a bywyd bob dydd mor adfywiol ac yn dda i’r enaid. Bydden i’n gobeithio y byddai unrhyw un oedd yn meddwl dwywaith amdano’n rhoi cynnig arni - byddwch chi’n cael eich synnu!"

Even though my counselling has ended now I know I could drop Alice a text or and email and she would be there for me in anyway she could. She is such a lovely and amazing person. Thank you Alice, you really are special.”

Grwpiau Tadau

Rydym yn bwriadu cychwyn grŵp ar gyfer tadau sydd â phlant ag anableddau dysgu. Bydd y grŵp yn dechrau tua diwedd y flwyddyn. Os ydych chi’n dad ac mae gennych ddiddordeb mewn mynychu, defnyddiwch y ddolen isod i lenwi ffurflen yn mynegi eich diddordeb a byddwn mewn cysylltiad â chi:

Grwpiau Brodyr a Chwiorydd

Rhaglen 6 sesiwn i gefnogi plant 7-11 oed sydd â brawd neu chwaer gydag Oedi Datblygiadol Byd-eang / Anabledd Dysgu sy’n Dod i’r Amlwg. Mae Sibs yn elusen yn y DU ar gyfer plant ac oedolion sydd â brawd neu chwaer ag anabledd.

Mae Sibs wedi datblygu rhaglen F.R.A.M.E i ddisgrifio’r nodau a’r canlyniadau ar gyfer y grŵp:

F – Hwyl
R – Lleddfu unigedd
A – Cydnabod teimladau
M – Strategaethau Ymdopi
E – Gwella gwybodaeth

Os oes gennych blentyn rhwng 7 ac 11 oed a allai fod â diddordeb, e-bostiwch: hannah.newton@wales.nhs.uk neu llygad.eye.cav@nhs.wales.uk

Ar gyfer rhieni plant ifanc ag anabledd dysgu sy’n dod i’r amlwg