Menu
Ymarferion Cryfder a Chydbwysedd
Gall y rhaglen ymarfer corff hon helpu i wella eich cydbwysedd, eich cryfder, eich ffitrwydd cyffredinol a’ch llesiant.
Er mwyn bod yn effeithiol, dylech gwblhau’r ymarferion a argymhellir gan eich therapydd BOB DYDD neu o leiaf 3 gwaith yr wythnos.
Gwyliwch y fideo rhagarweiniol hwn cyn rhoi cynnig ar unrhyw un o’r ymarferion hyn
- Cofiwch fynd ar eich cyflymder eich hun. Does dim rhaid cwblhau’r ymarferion i gyd ar unwaith.
- Mae’n arferol teimlo rhywfaint o stiffrwydd yn eich cymalau a phoen yn y cyhyrau, bydd hyn yn lleihau wrth i chi ddod yn fwy cyfarwydd ag ymarfer corff.
- PEIDIWCH Â RHUTHRO’R YMARFERION, cymerwch eich amser a gorffwyswch yn ôl yr angen.
- DIOGELWCH: Peidiwch byth ag ymarfer gan ddal gafael ar wrthrych a allai symud; fel cadair neu ffrâm zimmer. Defnyddiwch rywbeth sefydlog fel wyneb cwpwrdd cegin bob amser.
- Os byddwch yn teimlo mwy o boen, pendro, poen yn y frest neu ddiffyg anadl difrifol wrth ymarfer corff, STOPIWCH ar unwaith a chysylltwch â’ch Meddyg.
