Cerdded â’r Traed am Allan
Mae traed rhai plant yn troi am allan wrth iddyn nhw gerdded.
Mae cerdded â’r traed am allan (out-toeing yn Saesneg) yn gyffredin iawn ymhlith plant ifanc.
Mae’n amrywiad arferol heb fod angen triniaeth.
Os yw eich plentyn yn gloff ac yn datblygu unrhyw un o’r symptomau canlynol, dylech chi ffonio 111 ar frys a bydd gweithiwr gofal iechyd proffesiynol yn penderfynu a oes angen gofal brys ar eich plentyn.
- Poen sydyn yn y glun, y forddwyd neu ben-glin
- Methu rhoi dim pwysau o gwbl ar y goes wrth sefyll neu gerdded
- Y goes wedi newid ei siâp neu’n cyfeirio at ongl ryfedd
- Teimlo’n anhwylus gyda thymheredd uchel, teimlo’n boeth ac yn crynu
- Poen difrifol yng ngwaelod y bola
- Symptomau sy’n gwaethygu
Beth sy’n achosi Cerdded â’r Traed am Allan?
Sut mae rheoli hyn?
Beth sy’n achosi Cerdded â’r Traed am Allan?
Prif achosion cerddediad â’r traed am allan ymhlith plant iach:
Gwrthdroad ffemwrol
Dyma achos mwyaf cyffredin cerdded â’r traed am allan ac mae’n gallu rhedeg yn y teulu. Mae asgwrn y forddwyd/clun (ffemwr) yn troi am allan gan achosi i’r goes gyfan droi am allan. Mae’n fwy amlwg rhwng 2-4 oed ac fel arfer mae’n gwella erbyn i blentyn gyrraedd ei 8-10 oed.
Dirdro crimogol (Tibial Torsion)
Bydd hyn yn digwydd pan fydd y pengliniau’n cyfeirio am ymlaen ond yr asgwrn crimog wedi troi, gan achosi i’r droed droi am allan. Fel arfer, mae’n cywiro ei hun erbyn i blentyn gyrraedd ei 4-7 mlwydd oed.
Troed fflat-wadn
Er mwyn gallu cerdded yn effeithiol, gall y droed droi am allan er mwyn gwneud iawn am y droed fflat-wadn (pes planus).
Sut mae rheoli hyn?
- Argymhellir gwisgo esgidiau o’r ansawdd gorau sy’n ffitio’n dda.
- Mae’n bwysig bod plant yn egnïol ac yn chwarae er mwyn annog datblygiadau sgiliau echddygol a thwf esgyrn.
- Mae chwaraeon arferol e.e. nofio yn llesol.
Ymarferion
Gwnewch weithgareddau i gryfhau cyhyrau’r glun, e.e. cerdded ar linell syth ac ymestyniadau llinyn y gar.
Tandem walking
- Imagine you are walking on a tightrope.
- Place the heel of one foot in front of the toes of your other foot.
- Continue repeating this and walk forwards.
