Cymhorthion Cerdded a Cadeiriau Olwyn i Blant

Os caiff eich plentyn gymhorthyn cerdded, byddwch chi a’ch plentyn yn cael gwybod faint o bwysau y gall eich plentyn ei roi ar y goes sydd wedi’i hanafu. Mae hyn yn bwysig iawn er mwyn gwella’r esgyrn ac mae’n bwysig defnyddio’r lefel pwysau a argymhellir wrth ddefnyddio’r cymhorthyn cerdded.

Dyma’r mathau gwahanol o lefel pwysau a argymhellir:

Dwyn pwysau cyffwrdd: mae hyn yn golygu y gall eich plentyn gyffwrdd y llawr yn ysgafn â’i droed er mwyn cadw cydbwysedd wrth gerdded ond dylai’r cymhorthyn cerdded gynnal y rhan fwyaf o’i bwysau.

Dwyn pwysau rhannol: mae hyn yn golygu y gall eich plentyn roi ei droed ar y llawr fel y byddai wrth gerdded heb gymhorthion ond bydd yn defnyddio baglau neu ffrâm i gynnal rhywfaint o’i bwysau wrth gamu ar y goes sydd wedi’i hanafu.

Dwyn pwysau llawn: mae hyn yn golygu rhoi ei holl bwysau ar y goes sydd wedi’i hanafu, sy’n golygu y bydd eich plentyn yn gallu cerdded heb gymhorthion os yw hyn yn bosibl, yn ddiogel ac yn rhesymol gyfforddus.

Mae gwahanol fathau o gymhorthion cerdded;

• Baglau penelin
• Fframiau rholio Zimmer

Dyma sut i ddefnyddio cymhorthion cerdded yn ddiogel.

Codi o gadair gyda baglau

• Daliwch y dolenni gyda’i gilydd fel bod y baglau ar siâp H.
• Defnyddiwch un llaw i wthio eich hun i fyny o’r gadair, gyda’r llaw arall yn gafael yn handlenni’r baglau.
• Ar ôl sefyll, defnyddiwch y dalwyr penelin er mwyn dal y baglau’n iawn.

Wrth eistedd ar gadair:

• Tynnwch y dalwyr penelin a dod â’r baglau at ei gilydd i ffurfio siâp H.
• Defnyddiwch un llaw i ddal handlenni’r baglau a’r llall i ostwng eich hun i’r gadair.

Codi oddi ar gadair gyda Ffrâm Rholio Zimmer

• Gwthiwch eich hun i fyny oddi ar y gadair gan ddefnyddio’r ddwy law, yna ar ôl sefyll, daliwch y ffrâm Zimmer.
• PEIDIWCH â thynnu ar y ffrâm Zimmer er mwyn codi o’r gadair.

Defnyddio ffrâm Zimmer wrth fynd i eistedd mewn cadair

• Ewch wysg eich cefn nes bod cefn eich coesau yn cyffwrdd y gadair
• Defnyddiwch eich dwy law i ostwng eich hun i’r gadair

Gallwch ddod o hyd i fwy o fideos ar fynd i fyny ac i lawr grisiau gyda chymhorthion cerdded yma.

Ar ôl i’ch plentyn orffen gyda’i gymhorthyn cerdded, cofiwch ei ddychwelyd i glinig trawma er mwyn iddo gael ei lanhau cyn ei roi i glaf arall.