Cinio Rhost Nadoligaidd
Hefyd yn yr adran hon
Mae’r Nadolig yn ymwneud â’r teulu a mwynhau hwyl yr ŵyl – ac yn aml, llawer o fwyta ac yfed!
Os hoffech chi wneud eich cinio Nadolig ychydig yn iachach, beth am roi cynnig ar yr opsiwn hwn?
Twrci (neu gyw iâr) rhost, tatws rhost, moron a phannas rhost gyda detholiad o lysiau tymhorol, wedi’u gweini gyda saws llugaeron cartref.
Yn Bwydo: 6
Cyfanswm yr Amser Coginio: 2 awr
Twrci neu Gyw Iâr Rhost
- 2kg o dwrci neu gyw iâr cyfan
- 2 oren canolig (wedi’u haneru)
- 1 lemwn (wedi’i haneru)
- 1 winwnsyn mawr – wedi’i chwarteru
- 4 ewin garlleg, wedi’u malu
- Perlysiau ffres: rhosmari, teim, saets (ychydig frigau o bob un) neu defnyddiwch berlysiau sych
- 1 llwy de o baprica – dewisol
- Pinsiad o bupur du at eich dant
Cynheswch y ffwrn ymlaen llaw i 190°C/170°C neu marc nwy 5.
Paratoi’r twrci/cyw iâr: Sychwch yn dyner, ychwanegwch bupur du at eich dant a phaprica (dewisol).
Stwffiwch gydag oren, lemwn, winwnsyn, garlleg a pherlysiau i gael blas aromatig.
Rhowch y twrci/cyw iâr mewn tun rhostio mawr a gorchuddiwch y frest yn llac â ffoil.
Rhostiwch am tua 1 awr a 50 munud (tua 55 munud fesul kg).
Ar ôl y 30 munud cyntaf, bastiwch y cyw iâr/twrci trwy ddefnyddio llwy i ledaenu’r braster sydd wedi draenio o’r twrci dros ben y rhost. Ailadroddwch hyn ychydig o weithiau wrth goginio.
Tynnwch y ffoil am y 40 munud olaf o goginio i droi’r croen yn frown a chrensiog.
Ar ôl yr amser coginio, gwiriwch a yw’r cig wedi’i goginio – dylai’r tymheredd mewnol gyrraedd 75°C yn rhan fwyaf trwchus y frest – neu gwiriwch fod y sudd yn glir trwy roi cyllell fach yn y goes.
Trosglwyddwch ef i fwrdd torri neu blât a’i orchuddio’n llac â ffoil, gan ganiatáu iddo orffwys am 10 munud cyn torri – mae hyn yn helpu i gadw’r sudd.
Tra bod y twrci/cyw iâr yn gorffwys, gwnewch y grefi yn ôl y cyfarwyddiadau ar y pecyn (os ydych chi’n defnyddio pecyn), neu defnyddiwch y rysáit grefi isod.
Cofiwch unwaith y bydd y cyw iâr/twrci wedi oeri ar ôl ei weini, gallwch chi dynnu unrhyw gig sy’n weddill oddi ar yr esgyrn. Taflwch y croen a gorchuddiwch y cig. Gellir ei gadw yn yr oergell am hyd at 2 ddiwrnod.
Grefi
- 20g o flawd plaen
- 750ml o stoc cyw iâr neu dwrci
- Sudd rhost – braster wedi’i godi
Mesurwch 750ml o stoc.
Tynnwch y braster gormodol o’r hambwrdd rhostio (defnyddiwch jwg gwahanu braster/neu codwch y braster gweladwy) a’i gynhesu dros wres canolig.
Gan ddefnyddio llwy bren, ychwanegwch y blawd i wneud pâst.
Ychwanegwch y stoc yn raddol a mudferwch nes bod y saws yn gorchuddio cefn y llwy bren, a’i arllwys i jwg i’w weini.
Fel arall, fel opsiwn haws, defnyddiwch ronynnau grefi sodiwm isel a defnyddio’r dŵr o’r llysiau wedi’u berwi – dilynwch y cyfarwyddiadau ar y pecyn.
Tatws Rhost
1.2 kg o datws maint canolig wedi’u torri’n chwarteri
1 llwy fwrdd o olew had rêp/olewydd
Cynheswch y ffwrn ymlaen llaw i 190°C/200°C
Mewn sosban fawr ar wres uchel, dewch â’r dŵr i’r berw.
Ychwanegwch y tatws a dewch â nhw’n ôl i ferwi’n ysgafn am 5 munud, neu nes bod tu allan y tatws yn dechrau disgyn.
Draeniwch y tatws a gadewch iddynt sefyll am 2 funud.
Cymysgwch y tatws yn yr 1 llwy fwrdd o olew a’u trosglwyddo i dun rhostio poeth.
Dylech eu rhoi yn y ffwrn uwchben y rhost a’u coginio am 60 munud – gan eu troi hanner ffordd.
Moron a Phannas wedi’u Rhostio
6 moronen ganolig wedi’u pilio a’u torri’n hanner ar eu hyd
4 panasen wedi’u pilio a’u torri’n hanner ar eu hyd
1 llwy fwrdd o olew had rêp neu olew olewydd
Cynheswch y ffwrn ymlaen llaw i 190°C/200°C
Gorchuddiwch y llysiau wedi’u torri mewn 1 llwy fwrdd o olew neu eu brwsio gydag olew.
Ar ôl i’r tatws fod yn y ffwrn am 20 munud, ychwanegwch y moron a’r pannas i’r un tun rhostio â’r tatws. Rhowch y tun nôl yn y ffwrn i goginio am 40 munud.
Os bydd y llysiau’n dechrau gorgoginio cyn y bydd y twrci/cyw iâr yn barod, trosglwyddwch nhw i dun arall a’u dychwelyd i’r ffwrn i ailgynhesu tra bod y cyw iâr yn gorffwys.
Llysiau Tymhorol
350g o bys
350g o ysgewyll – y dail allanol wedi’u tynnu
Hanner bresychen goch fach – wedi’i sleisio
Coginiwch y llysiau mewn ychydig bach o ddŵr am 5 – 8 munud. Fel arall, gallwch goginio’r llysiau yn y ficrodon neu eu stemio.
Saws Llugaeron
- 2 lwy fwrdd o siwgr gronynnog
- 100ml o sudd oren
- 250g o lugaeron ffres/wedi’u rhewi
- 1 llwy de o sbeis cymysg
Offer: Clorian, jwg mesur, sosban
Rhowch y siwgr a’r sudd oren mewn sosban a dewch ag ef i’r berw’n araf er mwyn osgoi ei losgi.
Ychwanegwch y llugaeron a’u mudferwi nes eu bod yn dyner.
Daliwch ati i droi nes bod y cyfan yn tewhau.
Os ydych chi’n ei wneud ymlaen llaw, dylech ei oeri, yna’i storio yn yr oergell mewn cynhwysydd seliedig am 30 diwrnod.
