Porth Gofalwyr
Mae Porth Gofalwyr Caerdydd a’r Fro yn rhoi gwybodaeth a chymorth i ofalwyr di-dâl.
Ein nod yw gwella ansawdd bywyd gofalwyr a’r rhai sy’n derbyn gofal yn ein bro, gan helpu gofalwyr i wneud y mwyaf o’u bywyd ochr yn ochr â’u rôl ofalgar, yn ogystal â chefnogi eu hannibyniaeth.
Sut ydyn ni’n cefnogi gofalwyr yng Nghaerdydd a’r Fro?
Gweithwyr Lles Gofalwyr
Mae ein tîm o Weithwyr Lles Gofalwyr yn:
- Helpu gofalwyr i ddeall pa gymorth sydd ar gael yn lleol
- Cynorthwyo pobl i ddefnyddio gwasanaethau lleol
- Sylwi pa wasanaethau newydd sydd eu hangen i helpu gofalwyr
- Codi ymwybyddiaeth ynglŷn â phwy sy’n ofalwyr a pha broblemau y gallan nhw eu hwynebu
- Darparu cyfleoedd hyfforddi a datblygu i ofalwyr
Panel Arbenigol Gofalwyr
Mae gennym Banel Arbenigol Gofalwyr sy’n gwrando ar syniadau, barn a phrofiadau uniongyrchol gofalwyr di-dâl ac yn eu rhannu. Mae rôl aelodau’r panel yn wirfoddol ac yn ddi-dâl ond mae’n gyfle i chi ddweud eich dweud a siapio gwasanaethau yng Nghaerdydd a’r Fro.
Fel arfer mae cyfarfodydd panel yn cael eu cynnal yn fisol ar-lein dros Zoom ac yn para rhyw awr. Os oes gennych ddiddordeb mewn cymryd rhan mewn cyfarfodydd yn y dyfodol, gallwn drefnu i chi gael copi o’r agenda, copi o gofnodion y cyfarfod diwethaf a gwahoddiad cyswllt Zoom i’r cyfarfod nesaf.
Cwnsela i Ofalwyr am ddim
Mae’r gwasanaeth hwn yn gwasanaethu Bro Morgannwg a Chaerdydd.
Bro Morgannwg
Mae ein gwasanaeth cwnsela yn y Fro yn cefnogi gofalwyr di-dâl 18 oed neu hŷn sy’n gofalu am aelod o’r teulu neu berthynas â dementia hwyr-oes neu broblemau iechyd meddwl.
Caerdydd
Mae ein gwasanaeth ar draws Caerdydd yn agored i bob atgyfeiriad cwnsela i ofalwyr di-dâl 18 oed neu hŷn. Rydyn ni’n cynnig hyd at 10 sesiwn o gwnsela rhad ac am ddim dros y ffôn, yn rhithwir a/neu wyneb yn wyneb.
Grŵp Cymheiriaid Cefnogi Gofalwyr
Rydyn ni’n cynnal Grŵp Cymheiriaid Cefnogi Gofalwyr misol yn y Barri, i ofalwyr sy’n byw yng Nghaerdydd a’r Fro. Mae’n gyfle i gyfarfod yn anffurfiol â gofalwyr eraill ac i drafod rolau gofalgar, hobïau a diddordebau.
Hefyd yn yr adran hon
Os ydych chi’n ofalwr neu os ydych chi’n gweithio gyda gofalwyr yng Nghaerdydd neu Fro Morgannwg, rydyn ni yma i’ch helpu.
Cysylltwch â’n tîm cyfeillgar ar 02921 921024 neu anfonwch e-bost at gateway@ctsew.org.uk
