Gwasanaeth Cymorth Aron yn Iach
Os ydych chi’n paratoi ar gyfer llawdriniaeth hernia, pen-glin newydd, clun newydd, goden y bustl neu llawdriniaeth gynaecoleg, mae’r Gwasanaeth Cymorth Aros yn Iach ar gael i chi.
Mae hwn yn wasanaeth newydd a bydd ar gael i bobl sy’n aros am fathau eraill o lawdriniaeth yn y dyfodol.
Gall aros am lawdriniaeth fod yn amser rhwystredig, yn enwedig os ydych chi’n byw gyda phoen neu’n ceisio rheoli symptomau. Rydym yma i gynnig cymorth a chyngor a gallwn eich cyfeirio at wasanaethau yn y Bwrdd Iechyd a’r gymuned. Os ydych ar restr aros am lawdriniaeth, efallai y byddwch yn derbyn galwad ffôn gan ein tîm.
Gall cymryd rhan weithredol yn y gwaith o gynllunio a pharatoi ar gyfer llawdriniaeth helpu i:
- wneud i chi deimlo bod gennych fwy o reolaeth
- osgoi oedi neu ganslo eich llawdriniaeth
- lleihau’r amser a dreuliwch yn yr ysbyty
- caniatáu i chi ddychwelyd i normal yn gyflymach
Gallwch baratoi ar gyfer llawdriniaeth trwy wneud yn siŵr bod eich cyflyrau iechyd eraill yn cael eu rheoli’n dda a gwneud newidiadau i’ch ffordd o fyw. Os gallwch chi, llenwch yr holiadur hwn, i’n helpu ni i ddeall eich anghenion iechyd.
Dilynwch y dolenni ar y dudalen hon am ragor o wybodaeth a all eich helpu i wella eich iechyd a ffitrwydd cyn ac ar ôl llawdriniaeth.
I siarad ag un o'n Cynghorwyr Iechyd a Lles, cysylltwch â ni ar:
Rhif ffôn: 02921 841800
Cadw'n Actif
Mae cadw’n actif tra byddwch chi’n aros am lawdriniaeth yn bwysig i’ch cadw’n iach ac yn gryf. Gall gyflymu eich adferiad ar ôl llawdriniaeth.
Gall symud yn rheolaidd, hyd yn oed gweithgaredd ysgafn fel cerdded neu ymestyn leihau anystwythder, gwella hwyliau, helpu i reoli poen a gwella eich iechyd cyffredinol.
Bydd bod yn actif yn edrych yn wahanol i bawb.
Mae gan ein tudalen Gweithgarwch corfforol ragor o wybodaeth am aros yn gorfforol actif.
Mae gan y cyrsiau Escape Pain ragor o wybodaeth am aros yn gorfforol actif gyda phoen yn y cymalau.
Mae gan y dudalen Heneiddio’n Dda ragor o wybodaeth am gadw’n actif a heneiddio’n dda.
Bwyta’n iach
Gall cynnal pwysau iach a bwyta’n dda leihau’r risg o gymhlethdodau yn ystod ac ar ôl llawdriniaeth.Gall bod yn agosach at bwysau iach wneud llawdriniaeth yn fwy diogel, helpu clwyfau i wella’n gynt a lleihau amser eich adferiad.
Gall hefyd eich helpu i deimlo’n well yn gyffredinol. Gall newidiadau bach i’ch arferion bwyta a’ch gweithgaredd wneud gwahaniaeth mawr.
Rhoi'r gorau i smygu
Gall rhoi’r gorau i smygu neu leihau smygu cyn llawdriniaeth helpu’ch corff i wella’n gynt a lleihau’r risg o gymhlethdodau fel heintiau, problemau anadlu a chlwyfau yn araf yn gwella. Bydd rhoi’r gorau i smygu yn lleihau eich risg o gyflyrau’r galon a’r ysgyfaint, strôc a chanser.
Cliciwch yma am wybodaeth am roi’r gorau i smygu Rhoi’r Gorau i Smygu – Cadw Fi’n Iach
Mae digon o gymorth am ddim ar gael i’ch cefnogi chi, ewch i’r wefan Helpa Fi i Stopio am ragor o wybodaeth neu ffoniwch 0800 085 2219.
Lleihau faint o alcohol rydych chi’n ei yfed neu roi'r gorau iddi
Gall lleihau faint o alcohol rydych chi’n ei yfed eich helpu i ymdopi’n well â’r llawdriniaeth a gwella’n gyflymach. Gall yfed llai o alcohol leihau’r risg o gymhlethdodau fel heintiau, a chyflymu’r amser iacháu.
Bydd yfed llai o alcohol hefyd yn lleihau eich risg o amrywiaeth o afiechydon gan gynnwys canser.
Cliciwch yma am ragor o wybodaeth a chymorth ar leihau alcohol.
Gwella Cwsg
Mae cael cwsg da cyn llawdriniaeth yn bwysig oherwydd gall leihau straen a phoen. Gall trefn gysgu dda helpu eich corff i ymdopi’n well â’r llawdriniaeth.
Mae cwsg da yn bwysig i gefnogi eich iechyd a’ch lles hirdymor.
Mae gan ein tudalen cysgu’n dda wybodaeth ac awgrymiadau ar gyfer gwella cwsg.
Mae gan wefan Versus Arthritis wybodaeth am wella cwsg gyda phoen yn y cymalau.
Lles Meddyliol
Gall paratoi ar gyfer llawdriniaeth fod yn gyfnod llawn straen a phryder. Gall symptomau corfforol sy’n effeithio ar eich corff effeithio ar eich lles meddyliol hefyd.
Mae gan Goleg Brenhinol yr Anesthetyddion wybodaeth am ddelio â phryder cyn llawdriniaeth yma
Delio â Phoen
Gall delio â phoen wrth aros am lawdriniaeth fod yn heriol.
Gall cadw’n actif, bwyta’n iach a gwella cwsg a straen i gyd helpu i wella poen.
Mae cwrs poen ESCAPE yn rhad ac am ddim i’w gyrchu ac mae’n helpu pobl i ddelio’n well â phoen yn y cymalau a phoen cefn:
ESCAPE-pain – Cefn – Cadw Fi’n Iach
Gwefannau defnyddiol ar gyfer poen pelvig:
Pelvic Pain Support Network | Support, Information and Advocacy for those with Pelvic Pain
Endometriosis affects one in ten women in Wales – Endometriosis Cymru
Gwefannau defnyddiol i helpu i ddelio â phoen:
Cadw i fyny â gwiriadau iechyd
Tra byddwch chi’n aros am lawdriniaeth, mae’n bwysig sicrhau eich bod yn delio’n dda ag unrhyw gyflyrau iechyd eraill sydd gennych chi. Gall cadw’r rhain dan reolaeth helpu i sicrhau nad yw eich llawdriniaeth yn cael ei chanslo neu ei gohirio a lleihau’r risg o gymhlethdodau.
Gwnewch yn siŵr eich bod yn mynychu gwiriadau gyda’ch meddygfa am gyflyrau fel diabetes a phwysedd gwaed uchel.
Mae ein tudalennau diabetes yn cynnwys rhagor o wybodaeth am reoli cyflwr Cyn-ddiabetes a Diabetes Math 2:
Paratoi ar gyfer llawdriniaeth
Cwrdd â'r tim
Pa mor hir fydd yn rhaid i mi aros am lawdriniaeth?
Bydd pa mor hir y bydd yn rhaid i chi aros yn dibynnu ar ba lawdriniaeth yr ydych yn ei chael. Rydym yn gweithio i drin pobl cyn gynted â phosibl. Cliciwch yma i gael rhagor o wybodaeth am amseroedd aros ledled Cymru.
Hefyd yn yr adran hon
Dolenni Defnyddiol:
- Clinig Asesu Cyn Llawdriniaeth (POAC)
- Llywodraeth Cymru Annog, atal ac amser paratoi ar gyfer gofal a gynlluniwyd
- GIG yn gwneud penderfyniad am arthritis y bledren (yn Saesneg)
- GIG yn gwneud penderfyniad am arthritis y pen-glin (Yn Saesneg)
- GIG yn gwneud penderfyniad am gerrig bili (yn Saesneg)
- GIG yn gwneud penderfyniad ynghylch herniau ingwinol (yn Saesneg)
