Cerdded ar Flaenau’r Traed

• Y plentyn yn cerdded ar flaenau ei draed yn gyson neu’n achlysurol.
• Y plentyn yn cwyno am boenau yng nghroth y goes ac mae’n amharod i gerdded yn bell. 
• Tuedd yn y plentyn i faglu / syrthio’n amlach na’i gyfoedion.
• Y plentyn wedi datblygu tyndra yng nghroth ei goes o ganlyniad i gerdded ar flaenau’r traed yn barhaus.

Does neb yn gwybod yn iawn beth sy’n achosi cerdded ar flaenau’r traed ond gall cerdded ar flaenau’r traed arwain at dyndra yng nghyhyrau croth y goes.

Dyma rai rhesymau dros gerdded ar flaenau’r traed

Cerdded Idiopathig ar Flaenau’r Traed

Cerdded Idiopathig ar Flaenau’r Traed yw’r cyflwr lle bydd plant, heb unrhyw achos meddygol hysbys, yn cerdded ar flaenau bysedd eu traed pan ddylen nhw fod wedi sefydlu’r patrwm arferol o gerdded o’r sawdl i’r bysedd traed.

Does dim tystiolaeth fod cerdded ar flaenau’r traed yn achosi unrhyw effeithiau niweidiol hirdymor i blant nac oedolion.

Gwäellen ffêr (tendon Achiles) wedi’i byrhau

Mae gwäellen ffêr wedi’i byrhau yng nghefn y sawdl yn gorfodi’r droed i gerdded ar flaenau’r bysedd, sy’n fwy cyfforddus i’r plentyn.

Ysgogiad

Os yw eich plentyn yn cerdded ar flaenau ei draed yn rheolaidd, ceisiwch ei atgoffa i gerdded o’r sawdl hyd at fysedd y traed.

Ymarferion

Ceisiwch annog eich plentyn i ymestyn a cherdded gyda’r sodlau ar y llawr er mwyn lleddfu’r tyndra yng nghroth y goes. Dylai’r ymestyniadau ar y dudalen nesaf ddod yn rhan o drefn ddyddiol eich plentyn. Rhannwch nhw gydag athrawon addysg gorfforol a hyfforddwyr chwaraeon.

Esgidiau

Mae esgidiau soled a stiff sy’n cynnal y traed, e.e. esgidiau ymarfer corff gydag ochrau uchel neu fŵts, yn gallu helpu eich plentyn i beidio â cherdded ar flaenau’r traed.

Thylino

Mae gwres a thylino croth y goes yn gallu lleddfu poen.

Asesiad Pellach

Os yw’r tyndra’n ddifrifol, efallai y bydd eich plentyn yn cael ei gyfeirio am gastio er mwyn ymestyn y cyhyrau ond does dim tystiolaeth y bydd hyn yn datrys y broblem yn y tymor hir.

Os yw’r tyndra yng nghroth y goes yn gwaethygu a’r plentyn yn methu sefyll gyda’i sodlau’n cyffwrdd y llawr, neu ei fod yn gwneud hynny gan wthio’i ben-ôl am allan, efallai y bydd angen asesiad pellach.

Hefyd, os bydd eich plentyn yn datblygu symptomau yn rhan uchaf ei gorff, neu un goes yn edrych yn anghymesur, efallai y bydd angen asesiad pellach.