Ymarfer Rheoli Cwympiadau ar gyfer Cryfder, Cydbwysedd a Sefydlogrwydd
Rhaglen FaME (Ymarfer Rheoli Cwympiadau)
Mae FaME yn rhaglen ymarfer corff y dangosir ei bod yn gwella cryfder, cydbwysedd a sefydlogrwydd. Fe’i cyflwynir gan hyfforddwyr ymarfer corff cymwysedig arbenigol mewn grwpiau bach, ac mae’r dosbarthiadau wedi’u teilwra i alluoedd unigolion.
Mae’r rhaglen yn rhedeg unwaith yr wythnos am 24 wythnos, ac mae unigolion yn symud ymlaen yn ystod y rhaglen i ddatblygu eu cryfder, bod â mwy o hyder a theimlo’n fwy sefydlog ar eu traed.
Cyflwynir rhaglenni FaME mewn lleoliadau cymunedol, ac maent yn ffordd wych o gymdeithasu ag eraill mewn grŵp bach.
Hefyd yn yr adran hon
Codir tâl wythnosol bychan am fynychu rhaglen FaME, sy’n daladwy i’r hyfforddwyr ymarfer corff sy’n cyflwyno’r cwrs.
Gallwch gael mynediad i raglen FaME os ydych yn byw yng Nghaerdydd a Bro Morgannwg, yn 65 oed neu’n hŷn ac yn gallu ateb ‘ydw’ i unrhyw un o’r canlynol:
- Ydych chi’n teimlo’n ansefydlog ar eich traed?
- Ydych chi wedi cwympo o’r blaen?
- Ydych chi’n poeni am gwympo, a bod hyn wedi cyfyngu ar y gweithgareddau rydych chi’n eu gwneud?
Os hoffech chi gymryd rhan yn FaME a gwella eich cryfder a’ch cydbwysedd trwy ymarfer corff wedi’i deilwra, dyma beth fydd yn ei olygu:
- Cynhelir y rhaglen am 24 wythnos
- Dylech anelu at fynychu bob wythnos cyn belled ag y bo modd
- Ar ddechrau’r rhaglen, gofynnir i chi gwblhau holiadur, a gwneud rhai profion swyddogaethol syml i weld eich man cychwyn ar gyfer yr ymarferion. Bydd y rhain yn cael eu hailadrodd ar ddiwedd y rhaglen.
- Bydd yr ymarferion yn gyfuniad o weithgareddau cryfder, cydbwysedd a symudedd, a fydd yn cael eu teilwra yn ôl eich gallu unigol.
- Byddwch yn defnyddio rhai offer, fel bandiau gwrthiant, i helpu’ch cyhyrau i weithio a sicrhau bod newid yn eich cryfder dros amser.
- Yn aml mae cyfle i gymdeithasu gyda chyfranogwyr eraill ar ddiwedd dosbarth, ond does dim rhaid i chi aros ar eu cyfer os yw’n well gennych chi beidio.
Os oes gennych ddiddordeb mewn cymryd rhan mewn rhaglen FaME, cysylltwch â gareth.elderfit@gmail.com neu 07731 382 224.
Os ydych chi’n addas ar gyfer y rhaglen, byddwn yn cysylltu â chi am asesiad manylach.
