Therapi Galwedigaethol mewn Meddygaeth yn Ysbyty Dewi Sant
Mae Tîm Therapi Galwedigaethol Ysbyty Dewi Sant yn darparu gwasanaethau adsefydlu sy’n canolbwyntio ar yr unigolyn ar draws tair ward feddygol: Rhydlafar, Landsdowne ac Elizabeth.
Mae ein cleifion fel arfer dros 65 oed ac yn cael eu derbyn o ysbytai mwy ar gyfer adsefydlu pellach.
Mae therapyddion galwedigaethol yn gweithio gyda phobl sydd ag ystod o gyflyrau meddygol tymor byr a thymor hir, yn ogystal â’r rhai sydd angen gofal diwedd oes. Nod ein gwasanaeth yw helpu pobl i adennill a chynnal sgiliau, hyrwyddo cyfranogiad gweithredol mewn gweithgareddau bob dydd, ac atal derbyniadau i’r ysbyty yn y dyfodol.
Ar ôl cael asesiad arbenigol, rydyn ni’n adsefydlu cleifion drwy eu galluogi i wneud eu galwedigaethau dyddiol. Rydyn ni hefyd yn cyfeirio unigolion at wasanaethau cymunedol er mwyn hyrwyddo eu hannibyniaeth a’u diogelwch yn y cartref.
Ar gyfer eich arhosiad
Er mwyn ein helpu ni i’ch helpu chi, neu eich anwyliaid, pan fyddwch ar Ysbyty Dewi Sant, mae’n ddefnyddiol dod â’r eitemau canlynol gyda chi:
- Esgidiau gyda chefnau
- Dillad dydd (tua thair gwisg)
- Dillad nos
- Dillad isaf
- Cymorth symudedd (os ydych chi’n defnyddio un gartref)
- Bag ymolchi (does dim angen tywelion)
- Cymhorthion clyw a batris
- Sbectol ac unrhyw gymhorthion cyfathrebu eraill sy’n fuddiol i’r claf
- Pethau o ddiddordeb – llyfrau, posau, iPad
Eich cadw chi neu eich Perthynas yn Iach Gartref
Gwefannau Defnyddiol
- Arthritis
- Y Tîm Adnoddau Cymunedol
- Demensia
- Diabetes
- Gwasanaeth Nyrsys Ardal
- Gwasanaeth Asesu Gofal yr Henoed (ECAS)
- Parkinson’s
- Podiatreg
- Helpu perthynas neu ffrind yn yr ysbyty
- Gwasanaethau Cymdeithasol Oedolion Caerdydd
- This is me | Cymdeithas Alzheimer (Saesneg)
- Age UK
- Lwfans Gweini
- Gwasanaethau Gofal a Thrwsio
- Cyfeillion Dementia
- Pryd ar Glud
- Gwasanaeth larwm ac ymateb Teleofal Caerdydd
- Gwasanaethau Byw yn Annibynnol
Y broses atgyfeirio: Mae therapi galwedigaethol yn darparu gwasanaeth adsefydlu pum diwrnod ar draws y tair ward feddygol yn Ysbyty Dewi Sant (dydd Llun i ddydd Gwener). Mae cleifion sydd angen therapi galwedigaethol yn cael eu cyfeirio gan aelodau o’r tîm amlddisgyblaeth yn ystod y broses dderbyn.
Cyfeiriad:
Ysbyty Dewi Sant, Heol Ddwyreiniol y Bont-faen, CF11 9BX
