Ffisiotherapi Iechyd y Pelfis

Rydym yn arbenigo mewn trin: 

• Problemau â’r cyhyrau a’r cymalau (cyhyrysgerbydol) sy’n gysylltiedig â beichiogrwydd, gan gynnwys poen yn y cluniau, y cefn a’r gwregys pelfig
• Gwahaniad cyhyrau’r abdomen ar ôl geni (rectus abdominus diastasis)
• Problemau â’r bledren gan gynnwys angen pasio wrin ar frys, yn aml neu golli rheolaeth wrth basio wrin
• Syndrom poen y bledren
• Problemau â’r coluddyn, gan gynnwys anymataliaeth, brys, rhwymedd a thrafferth gwacáu’r coluddion
• Cwymp organau’r pelfis
• Poen cronig yn y pelfis
• Adferiad llawr y pelfis ar ôl geni, gan gynnwys rhwygau perineol gradd 3 neu 4 neu broblemau â’r bledren neu’r coluddion
• Ymddatodiad clwyf perineol
• Poen perineol
• Syndrom twnnel y carpws yn ystod beichiogrwydd

Rydym wedi datblygu llyfrgell o daflenni a fideos am y problemau a’r cyflyrau gwahanol hyn.  

• Cyngor ar newidiadau i’r ffordd o fyw a’ch gweithgarwch corfforol
• Rhaglenni ymarfer corff personol
• Grŵp rhithiol ar gyfer poen yng ngwregys y pelfis a’r cefn yn gysylltiedig â beichiogrwydd
• Therapi â llaw, gan gynnwys technegau llacio
• Bioadborth – offer arbenigol i wella gweithrediad arferol cyhyrau llawr y pelfis
• Ysgogiad trydanol niwrogyhyrol – offer arbenigol i gynyddu ymwybyddiaeth a chryfder cyhyrau llawr y pelfis
• Aciwbigo
• Darparu offer e.e. baglau
• Triniaeth ar gyfer ymddatodiad clwyfau perineol neu hematoma

I fanteisio i’r eithaf ar eich triniaeth, rydym yn gofyn i’n cleifion wneud y canlynol:

• Gwyliwch ein fideos
• Cadwch at eich rhaglen ymarfer
• Llenwch y siartiau a’r ffurflenni angenrheidiol
• Ymrwymwch i’n polisi presenoldeb –  gallwch ei ddarllen yma
• Cwblhewch gwrs llawn o driniaeth
• Rhowch wybod i’ch ffisiotherapydd am unrhyw broblemau neu bryderon yn ymwneud â’ch triniaeth

Rydym yn derbyn cyfeiriadau gan feddygon teulu (meddygaeth teulu), meddygon ymgynghorol, ymwelwyr iechyd, gwasanaethau ymataliaeth, therapyddion eraill a bydwragedd.