Torticollis Babanod Newydd-anedig
Ystyr torticollis yn Lladin yw 'gwddf troellog'.
Mae’n gyffredin gweld hyn ar ôl genedigaeth, neu gall ddatblygu yn ystod misoedd cyntaf bywyd.
Gall gael ei achosi pan fydd y cyhyr yn y gwddf yn tynhau (sternocleidomastoid). O ganlyniad, bydd pen y babi yn gogwyddo i un ochr ac yn troi i’r ochr arall. Efallai y bydd gan y babi ffafriaeth troi pen a/neu plagioceffali cysylltiedig.
Dylai ffisiotherapydd adolygu babanod sy’n dangos symptomau torticollis.
Beth sy’n achosi torticollis?
Nid yw’r hyn sy’n ei achosi bob amser yn hysbys. Mae ffactorau sy’n gysylltiedig â thorticollis yn cynnwys:
- Ystum yn y groth.
- Mewn ystum o chwith yn y groth.
- Genedigaeth â chymorth neu â gefeiliau.
- Pwysau geni mwy.
- Ystum ailadroddus ar ôl genedigaeth, lle mae babanod yn edrych i un ochr yn aml.
Sut alla i helpu fy mabi?
Pryd ddylwn i geisio cyngor?
Sut alla i helpu fy mabi?
Gallwch chi ddechrau helpu eich babi drwy ddilyn y cyngor a’r ymarferion ar y dudalen Ffafriaeth troi pen a/neu Plagioceffali (link).
Yn yr apwyntiad ffisiotherapi, efallai y cewch gyngor ac ymarferion pellach.
Pryd ddylwn i geisio cyngor?
Siaradwch â’ch Ymwelydd Iechyd neu llenwch ffurflen hunanatgyfeirio Ffisiotherapi Plant a Phobl Ifanc os bydd:
- arwyddion o Dorticollis – fel arfer bydd y pen wedi’i ogwyddo i un ochr a/neu wedi’i gylchdroi i’r gwrthwyneb wrth orwedd ar eu cefn, sy’n parhau er gwaethaf cywiro i’r llinell ganol
- cyfyngiadau wrth droi’r pen o ochr i ochr na fydd wedi gwella yn dilyn y cyngor ar ôl 4 wythnos.
Ym Mwrdd Iechyd Prifysgol Caerdydd a’r Fro, dylid atgyfeirio babanod sydd â symptomau torticollis am sgan uwchsain clun i asesu datblygiad eu clun. Siaradwch â’ch Ymwelydd Iechyd i drefnu hyn.
Os oes gennych unrhyw bryderon neu ymholiadau am y wybodaeth hon, cysylltwch ag Adran Cleifion Allanol Dolffin ar 02921 847577.
Ysbyty Arch Noa i Blant Cymru
Parc y Mynydd Bychan
Caerdydd
CF14 4XW
