Ffisiotherapi Plant –
Triniaeth Troed Glwb a Phonseti
Mae gwasanaeth Ponseti yn cynnig asesiad llawn a thriniaeth i blant sydd ag anffurfiadau traed strwythurol. Mae hyn yn cynnwys cyflyrau fel Troed Glwb (Talipes Equinovarus Cynhenid), Vertical Talus a Metatarsus Adductus Cynhenid yn ogystal ag anffurfiadau traed eraill.
Cafodd ein clinig ei sefydlu yn 2005 ac mae’n cynnwys tîm o Lawfeddygon Orthopaedig Pediatrig Ymgynghorol a Ffisiotherapyddion Arbenigol.
Dull Pontseti
Mae’r gwasanaeth hwn yn dilyn dull Ponseti fel y brif driniaeth ar gyfer Troed Glwb. Nod y driniaeth yw i’r plentyn gael troed hyblyg a di-boen, a gallu gwisgo esgidiau arferol.
Cynigir cwnsela cynenedigol yn dilyn diagnosis yn ystod y sgan 20 wythnos. Mae’r apwyntiad hwn yn gyfle i gwrdd â’r tîm, trafod y driniaeth bosibl ac ateb unrhyw gwestiynau sydd gennych. Mae’r clinig yn rhedeg bob wythnos ar ddydd Iau, gyda’r driniaeth fel arfer yn dechrau pythefnos i dair wythnos ar ôl y geni. Y cam cyntaf yw’r cast, rhoddir cyfres o gastiau wythnosol uwchben y pen-glin i drin a chywiro ystum y droed yn ysgafn.
Efallai y bydd angen tenotomi Achilles ar y plentyn a gaiff ei berfformio’n aml o dan anesthetig lleol yn y clinig. Ar ôl hyn, mae angen cast am dair wythnos arall, cyn newid i wisgo brês i gynnal y cywiriad (foot abduction brace). Gwisgir y brês am 23 awr y dydd am 12 wythnos, yna yn y nos ac amseroedd cysgu nes bod y plentyn yn 5 oed.
Bydd gofal yn cael ei deilwra i bob plentyn a’i deulu. Mae angen rheolaeth bellach ar rai plant, gan gynnwys trosglwyddo tendonau.
Tîm Pontseti
- Olga Bizby, Ffisiotherapydd Pediatrig Arbenigol
- Natalie Morgan, Ffisiotherapydd Pediatrig Arbenigol
- Amelia Stubbs, Ffisiotherapydd Pediatrig
- Clare Carpenter, Llawfeddyg Orthopaedig Ymgynghorol
Hefyd yn yr adran hon
Gwefannau defnyddiol
Prif gysylltiadau
Atgyfeiriadau ac apwyntiadau: Ysgrifenyddion Orthopaedig Pediatrig
Ffoniwch: 02920 748034
E-bost: ponseti.cav@wales.nhs.uk
Cais am gymorth
Llun i ddydd Gwener rhwng 8.15am-4pm. Gallwch gysylltu â’r gwasanaeth am gyngor drwy’r adran Ffisiotherapi ar 02921 847577 neu’r ystafell Plaster ar 02921 847991.
Tu allan i oriau
Mae’r ystafell Plaster ar agor o ddydd Y tu allan i’r amseroedd uchod, gellir tynnu castiau plaster Ponseti:
- os yw’r droed wedi llithro y tu mewn i’r cast
- os oes perygl i’r cylchrediad
- mewn achos o argyfwng meddygol
Bydd castiau’n cael eu hailosod heb fod yn fater brys. Dylai rhieni gysylltu â ni ar y diwrnod gwaith canlynol ar ôl eu tynnu.
Cast yn llithro
Mae’n syniad da tynnu llun o fysedd traed y plentyn pan fydd y plaster yn cael ei osod i ddechrau. Dylid edrych ar fysedd traed y plentyn yn rheolaidd i sicrhau nad yw’r cast wedi llithro, rydym yn cynghori gwneud hynny bob tro y newidir cewyn. Byddai arwydd o lithro yn cynnwys y bysedd traed yn cael eu tynnu y tu mewn i’r plaster. Os sylwch ar y cast yn llithro, cysylltwch â’r gwasanaeth cyn gynted â phosibl oherwydd bydd angen newid y cast.
Os yw hyn y tu allan i oriau gwaith arferol, cysylltwch â’ch Achosion Brys leol.
Yn dilyn tenotomi
Os yw’r babi wedi cael tenotomi (torri’r tendon Achiles), gall olygu rywfaint o waedu wedyn. Rydym yn ceisio lleihau’r tebygolrwydd o hyn. Ni ddylai arwynebedd y gwaed fod yn fwy na darn arian 2c.
Os ydych yn poeni, cysylltwch â ni drwy’r adran Ffisiotherapi ar 02921 847577 neu’r ystafell Plaster ar 02921 847991.
