Ffisiotherapi Plant ar gyfer
Cyflyrau Esgyrn Metabolaidd
Mae’r gwasanaeth newydd hwn yn Ysbyty Arch Noa i Blant Cymru ar gyfer plant sydd â chlefydau esgyrn metabolig fel:
- Osteogenesis Imperfecta (a elwir hefyd yn Esgyrn Brau)
- Hypophosphataemia cysylltiedig ag X
- Osteoporosis Idiopathig Ieuenctid
- A chyflyrau esgyrn metabolaidd prin eraill
Mae’r tîm amlddisgyblaethol hwn dan arweiniad Endocrinolegydd Pediatrig yn cynnwys Ffisiotherapydd, Therapydd Galwedigaethol, Uwch Ymarferydd Nyrsio, Seicolegydd Clinigol, Fferyllydd a Deietegydd.
Mae’r ffisiotherapydd yn gweithio ochr yn ochr â’r tîm i asesu, cynghori ac addysgu cleifion a theuluoedd, a chyfeirio at gydweithwyr ffisiotherapi sy’n gweithio mewn lleoliadau nes at y cartref yn ôl yr angen.
Ein nod yw cydweithio ac rydym yn awyddus i gefnogi therapyddion lleol, yn ogystal â phlant a’u teuluoedd i rymuso rheolaeth y cyflyrau hyn.
Bydd atgyfeiriadau at y gwasanaeth hwn yn cael eu gwneud drwy atgyfeiriadau gan Feddyg Teulu neu Feddyg Ymgynghorol at y gwasanaeth Endocrinoleg Bediatrig.
Hefyd yn yr adran hon
Gwefannau defnyddiol
Mae adnoddau defnyddiol a thaflenni gwybodaeth i deuluoedd a phlant gydag osteogenesis imperfecta ar wefan Cymdeithas Esgyrn Brau, sy’n cael eu creu gan grŵp cenedlaethol o’r enw POINT sy’n cydweithio gyda ni.
