Bysedd Traed Cam
Weithiau bydd gan fysedd traed siâp gwahanol i’r arfer neu gymal cam efallai.
Mae llawer o wahanol fathau o anffurfiadau traed a’r rhai mwyaf cyffredin yw bys cam (hammer toe) a bys morthwyl (mallet toe).
Mae rhai yn hyblyg ac mae’n bosibl eu sythu a’u hadfer. Mae eraill yn sefydlog a’r unig ffordd o’u sythu yw drwy lawdriniaeth.
Achosion
Symptomau
Triniaeth
Ymarfer Ymestyn Bysedd Traed
Achosion
- Yn gyffredin ym mlynyddoedd cynnar datblygiad plentyn
- Anaf uniongyrchol i’r bys neu ficro drawma ailadroddus oherwydd esgidiau
- Anghydbwysedd i gyhyrau’r traed
- Cynhenid – cyflwr sy’n rhedeg yn y teulu
Symptomau
Dyma rai symptomau:
- Bysedd traed sy’n edrych yn gam
- Mae’n gallu arwain at groen poenus wedi tewychu a chwyddo – oherwydd bod esgidiau’n rhwbio
- Poen o dan belen y droed o ganlyniad i bwysau cynyddol
- Mannau dolurus rhwng y bysedd traed
Triniaeth
Hunangymorth a thriniaethau cartref yw’r ffordd symlaf ac yn aml iawn y ffordd orau o ddatrys y problemau hyn.
Esgidiau
Mae esgidiau â siâp anghywir neu rai sydd ddim yn ffitio’n iawn yn rhoi pwysau diangen ar fysedd traed. Esgidiau llydan gyda ffasnin sydd orau.
Gwahanwyr bysedd traed
Gall y rhain atal y bysedd traed rhag rhwbio yn erbyn ei gilydd. Maen nhw’n helpu i sythu’r bysedd a lleihau pwysau. Mae sawl math ar gael yn eich fferyllfa leol neu ar-lein.
Ymarfer Ymestyn Bysedd Traed
Yn syml iawn, gosodwch y bys lle y dylai fod. Fe wnaiff hyn ymestyn y tendonau sydd wedi byrhau. Ddylai ymestyniadau ddim achosi poen, dim ond teimlo ychydig yn anghyfforddus yn ystod yr ymestyniad.
Os oes gennych anaf neu boen parhaol sydd ddim yn gwella wrth ddefnyddio’r dulliau hyn, gofynnwch am gyngor Podiatreg.
