Anawsterau llyncu ar ôl mewndiwbio

Dysffagia yw’r term sy’n cael ei ddefnyddio i ddisgrifio anawsterau wrth gnoi a llyncu bwyd, diod a / neu boer. Mae dysffagia’n digwydd pan fydd y cyhyrau rydyn ni’n eu defnyddio wrth gnoi a llyncu (gwefusau, gên, tafod, taflod a chyhyrau gwddf) yn mynd yn wan ac yn anodd eu symud. Dysffagia yw’r term sy’n cael ei ddefnyddio i ddisgrifio anawsterau wrth gnoi a llyncu bwyd, diod a / neu boer. Mae dysffagia’n digwydd pan fydd y cyhyrau rydyn ni’n eu defnyddio wrth gnoi a llyncu (gwefusau, gên, tafod, taflod a chyhyrau gwddf) yn mynd yn wan ac yn anodd eu symud.

Beth yw mewndiwbio?

Mewndiwbio yw gosod tiwb endotraceal plastig hyblyg (ETT) yn eich ceg a’ch gwddf. Fel arfer, mae’n cael ei osod pan fyddwch chi’n cysgu neu’n anymwybodol.

Beth yw effaith mewndiwbio?

Mae tystiolaeth sy’n dangos bod mewndiwbio yn gallu achosi;

cochni a chwyddo yn eich gwddf
llai o deimlad yn eich gwddf
gwendid yng nghyhyrau’r tafod, y gwddf, a’r laryncs
niwed i’ch tannau lleisiol; yr enw ar hyn yw dysffonia, felly efallai y bydd eich llais yn swnio’n wahanol
niwed i nerfau eich laryncs a’ch cyhyrau llyncu
newid i gydlyniad eich cylch llyncu anadlol wrth fwyta ac yfed

Gall un neu bob un o’r uchod bara am ychydig ddyddiau, ychydig fisoedd neu’n fwy parhaol. Mae llawer o ffactorau sy’n cyfrannu at hyn. Bydd eich tîm meddygol a’ch therapydd lleferydd yn gallu rhoi rhagor o gyngor i chi.

Mae’r uchod i gyd yn gallu cyfrannu at anawsterau bwyta, yfed a llyncu; mae’n gallu cynnwys llyncu eich poer eich hun hefyd.

Beth yw mewnsugno?

Mewnsugno yw’r enw meddygol am boer, bwyd a diod sy’n ‘mynd i lawr y ffordd anghywir’. Os bydd mewnsugno’n digwydd yn rheolaidd, mae’n gallu achosi niwmonia mewnsugno – mae hwn yn haint cas iawn ar y frest a gall wneud pobl yn sâl iawn.