Gwasanaeth Therapi Ffisiotherapi Plant

Mae plant yn cael eu trin gan ffisiotherapyddion pediatrig am amrywiaeth eang o gyflyrau clinigol.

Rydym yn gweld plant o ganlyniad i:

thrawma a anafiadau
llawdriniaeth
amrywiadau arferol mewn datblygiad
anabledd plentyndod

Yn Bwrdd Iechyd Prifysgol Caerdydd a’r Fro rydym yn gweithio gyda phlant y mae eu datblygiad sgiliau echddygol corfforol a gros yn effeithio ar eu bywydau o’u genedigaeth hyd at ddiwedd eu haddysg amser llawn.

Rydym yn gweld plant mewn amrywiaeth o leoliadau gan gynnwys:

Ysbyty Arch Noa i Blant Cymru,
Canolfannau Plant,
Ysgolion Arbennig,
meithrinfeydd
ysgolion
yn y cartref

Mae Gwasanaeth Therapi Ffisiotherapi Plant, Caerdydd a’r Fro yn gweithio gyda phlant, eu teuluoedd, ysgolion a gweithwyr iechyd proffesiynol eraill. Rydym yma i gefnogi teuluoedd a’r rhai o fewn rhwydwaith cymorth y plentyn, pan fydd arnyn nhw ein hangen ni.

Asesiad cychwynnol

Yn y lle cyntaf, byddwn yn cynnal arsylwad ac archwiliad corfforol. Gall hyn gynnwys edrych ar gryfder a chydsymudiad y plentyn, datblygiad echddygol, ystum, cydbwysedd, gweithgarwch a medrau.

Yna bydd cyngor unigol yn cael ei deilwra i chi a’ch plentyn ei ddilyn. 

Rhagor o wybodaeth am sut a ble rydym yn gweithio

Gwahanol wasanaethau ffisiotherapi plant allanol

Ffisiotherapi Cleifion Allanol

Dyma rai o’r cyflyrau rydym yn ymdrin â nhw

Cyflyrau Cyffredin

Mae gwybodaeth am y Ffisiotherapyddion Pediatrig sy’n rhan o’r timau sy’n gofalu am blant a phobl ifanc yn Ysbyty Arch Noa i Blant Cymru ar gael ar wefan Bwrdd Iechyd Prifysgol Caerdydd a’r Fro.