Gwasanaeth Therapi Galwedigaethol Gofal Critigol

Uned Gofal Critigol Bwrdd Iechyd Prifysgol Caerdydd a’r Fro yw’r fwyaf yng Nghymru ac mae’n derbyn cleifion o bob prif arbenigedd gan gynnwys meddygaeth gyffredinol, llawfeddygol, trawma mawr, gofal niwrogritigol ac anafiadau i fadruddyn y cefn.

Mae’r therapydd galwedigaethol yn cefnogi adferiad cleifion gofal critigol cymhleth er mwyn helpu i leihau effaith a chanlyniadau hirdymor goroesi salwch critigol.

Dyma rai o’r ffyrdd y gall Therapi Galwedigaethol helpu yn dilyn salwch critigol:

• Cefnogi annibyniaeth drwy adsefydlu’r sgiliau sydd eu hangen i berfformio gweithgareddau dyddiol fel ymolchi, gwisgo a bwyta
• Helpu i oresgyn, neu addasu i unrhyw newidiadau corfforol neu wybyddol sy’n deillio o’r salwch neu’r anaf
• Atal deliriwm a gofalu am y rhai sy’n ei brofi
• Defnyddio sblintiau i alluogi defnydd swyddogaethol o aelodau a lleihau tôn cyhyrau
• Darparu offer a chyngor gan gynnwys cadeiriau olwyn/seddi a thechnoleg gynorthwyol
• Cefnogi cynllunio rhyddhau a chwblhau asesiadau risg i gynnal diogelwch ac, os oes angen argymell cymhorthion amgylcheddol neu addasiadau fel bod modd rhyddhau’r claf adref yn ddiogel