Arthritis Rhiwmatoid
Mae Arthritis Rhiwmatoid (RA) yn gyflwr awtoimiwnedd, sy’n golygu bod system imiwnedd y corff yn ymosod ar feinwe iach. Mae hyn fel arfer yn effeithio ar y cymalau, y cyhyrau, y gewynnau a meinwe feddal. Mae’n gyflwr llidiol sy’n cael ei nodweddu gan boen, chwyddo a gwendid. Gall effeithio ar unrhyw ran o’r corff, ond fel arfer mae’n dechrau yng nghymalau bach y dwylo a/neu’r traed. Mae Arthritis Rhiwmatoid yn aml yn effeithio ar ddwy ochr y corff yn yr un ffordd, ond nid yw hyn bob amser yn wir.
Gwybodaeth Pwysig
Os byddwch yn sylwi ar chwyddo a phoen yn eich cymalau sy’n teimlo’n gynnes wrth i chi ei gyffwrdd, dylech gysylltu â’ch Meddyg Teulu, a all eich cyfeirio at Riwmatolegydd. Mae ymyrraeth gynnar yn allweddol i driniaeth lwyddiannus, felly peidiwch ag oedi cyn ceisio cymorth.
Beth mae Bwrdd Iechyd Prifysgol Caerdydd a’r Fro yn ei gynnig?
Os yw eich Meddyg Teulu wedi’ch cyfeirio at Riwmatolegydd Ymgynghorol bydd yn cynnal ymchwiliadau trylwyr er mwyn penderfynu a oes gennych Arthritis Rhiwmatoid a pha driniaeth sydd ei hangen arnoch. Efallai y cewch eich cyfeirio at wasanaethau eraill, megis:
Os oes gennych Arthritis Gwynegol, gall tasgau fel agor jariau a phlicio llysiau fod yn flinedig. Mae Therapyddion Galwedigaethol o BIPCAF wedi ffilmio fideos yn dangos gwahanol ffyrdd o gyflawni’r tasgau hyn, i’w gwneud yn haws ac i ddefnyddio llai o egni.
Calendr digwyddiadau
Dewch o hyd i ddigwyddiadau sy’n cael eu cynnal o amgylch Caerdydd a’r Fro a all eich helpu i fyw bywyd iachach a gwella’ch lles.
Manylion Cyswllt
Os ydych yn meddwl bod angen i chi weld Rhiwmatolegydd, gwnewch apwyntiad gyda’ch Meddyg Teulu a gofynnwch am gael eich cyfeirio.
