Ap adfer COVID
Mae grŵp iechyd anadlol GIG Cymru wedi datblygu ap COVID Recovery ar ran Llywodraeth Cymru, fel rhan o’r cymorth ehangach sydd ar gael i bobl sy’n profi effeithiau hirdymor COVID-19.
Gyda mwy na 100 o fideos a dolenni i gyngor, mae defnyddwyr ap yn gallu cofnodi eu symptomau, olrhain eu cynnydd a dysgu sut i reoli eu cyflwr gartref gyda chymorth. Mae’n cynnwys cyngor gan therapyddion, seicolegwyr, dietegwyr ac ymgynghorwyr.
Mae’r ap wedi’i ddatblygu fel rhan o’n gwasanaethau cymorth ehangach i bobl sy’n profi effeithiau tymor hwy y coronafeirws. Mae’n cynnig offeryn pwrpasol a hyfforddwr personol i’ch helpu ar y ffordd i adferiad, gan roi llwybr adsefydlu clir i chi.
Dadlwythwch yr ap adfer COVID
Mae ap COVID Recovery ar gael i bawb, o:
- Yr App Store ar gyfer dyfeisiau Apple
- Y Google Play Store ar gyfer Android
Ffoniwch 999 bob amser os ydych chi’n profi unrhyw symptomau sy’n bygwth bywyd neu cysylltwch â gwasanaeth coronafeirws ar-lein 111service neu’ch meddyg teulu os ydych chi’n teimlo nad yw’ch symptomau’n gwella neu os oes angen cyngor pellach arnoch chi.
