Beth sy’n digwydd ar ôl i chi adael yr ysbyty ar ôl cael llawdriniaeth clun

Ymarferion

Mae’n bwysig parhau i wneud eich ymarferion a chynyddu’n raddol faint rydych chi’n gerdded yn ystod y dydd. Pan fyddwch chi’n teimlo’n barod, dechreuwch ddefnyddio un o’r baglau yn lle dwy. Byddem yn argymell defnyddio’r un fagl ar yr ochr arall i’r goes sydd wedi derbyn y llawdriniaeth. Mae hyn yn sicrhau eich bod yn fwy cytbwys.  

Mae mwy o wybodaeth am ddefnyddio cymhorthion cerdded yma yn ogystal â chanllawiau ar sut i fynd i fyny ac i lawr y grisiau.

Rhoi cymhorthion ac offer yn ôl

Os cawsoch chi fenthyca offer (er enghraifft, offer i godi oddi ar y toiled, baglau), pan na fyddwch yn eu defnyddio ar ôl eich llawdriniaeth, trefnwch i’w dychwelyd er mwyn i rywun arall gael eu defnyddio.  

• Er mwyn cael gwybod sut i ddychwelyd cymhorthion cerdded (baglau, fframiau ‘zimmer’ ac ati) cliciwch yma. .
• I drefnu dychwelyd offer (ffrâm toiled, comodau, cadis ar gyfer fframiau ‘zimmer’, offer codi dodrefn) ffoniwch naill ai Heol Penarth (Y Fro) 02920 712555 neu Llanisien (Caerdydd) 02920 873672. 

Apwyntiadau Dilynol

Does dim angen ffisiotherapi parhaus ar y rhan fwyaf o bobl ar ôl cael clun newydd ond os ydych chi’n cael ffisiotherapi, parhewch nes eich bod chi a’ch ffisiotherapydd yn hyderus eich bod chi’n gallu symud ymlaen. 

Mae llawer o opsiynau er mwyn gwella eich ffitrwydd ymhellach a chael y gorau o’ch clun newydd.  Mae’r rhain yn cynnwys cymryd rhan mewn dosbarthiadau canolfannau hamdden, grwpiau rhithwir a grwpiau cymorth.