Gwasanaeth Cymhorthion Cerdded
Wrth gael gofal yn un o’n safleoedd ysbytai, bydd pâr o faglau, ffon gerdded neu ffrâm gerdded ar gael i rai cleifion. Darganfyddwch sut i ddefnyddio’r cyfarpar a sut i’w ddychwelyd unwaith y byddwch wedi gorffen ag ef.
Cyfarpar sy’n cael ei ddychwelyd
Beth sy’n digwydd i’r cymhorthion cerdded hyn pan nad oes eu hangen mwyach?
Ym Mwrdd Iechyd Prifysgol Caerdydd a’r Fro, rydym yn gweithio’n galed i leihau ein gwastraff ac mae ein Cynllun Ailgylchu Cymhorthion Cerdded yn atal cymhorthion cerdded nad oes eu hangen, fel baglau, fframiau cerdded a ffyn cerdded, rhag cael eu taflu.
Yn 2025, adnewyddodd Cynllun Ailgylchu Cymhorthion Cerdded y Bwrdd Iechyd gyfanswm o 4,563 o gymhorthion cerdded, gan sicrhau bod cleifion ledled Caerdydd a Bro Morgannwg yn gallu eu hailddefnyddio.
Mae'r cynllun, sy'n cael ei gefnogi gan Wasanaeth Prawf lleol Ei Fawrhydi, yn adnewyddu fframiau cerdded, baglau a ffyn cerdded. Y llynedd, drwy ailgylchu'r offer hwn, arbedodd y Bwrdd Iechyd £72,000 ac ataliodd fwy na 192k tunnell o allyriadau carbon CO2E (sy'n cyfateb i yrru car diesel o amgylch y cyhydedd 11 gwaith).
Helpwch ni i helpu ein blaned
Os oes gennych gymorth cerdded nad oes ei angen arnoch mwyach, gallwch ei ddychwelyd i’ch Adran Ffisiotherapi leol neu i un o’n parthau gollwng fel y gellir ei lanhau, ei adnewyddu a’i ailddosbarthu i glaf arall.
Rydym yn derbyn ffyn cerdded metel, baglau a fframiau cerdded tair a phedair olwyn sydd mewn cyflwr da ac y gellir eu hailddefnyddio.
Ni allwn ailddefnyddio, ac felly ni allwn dderbyn, cynhalwyr yr asgwrn cefn, coleri gwddf, bresys pen-glin na bresys neu esgidiau troed/ffêr.
Mae parthau gollwng wedi’u lleoli ym mhob adran Ffisiotherapi ar draws Bwrdd Iechyd Caerdydd a’r Fro, gan gynnwys:
- Storfa Offer ar y Cyd, Parc Busnes Caerdydd, Uned 2-3 Lambourne Crescent, Llanisien, CF14 5PW
- Storfa Offer ar y Cyd, Ystâd Ddiwydiannol West Point, Uned 5b, Heol Penarth, Caerdydd, CF11 8JQ
- Cleifion Allanol Ffisiotherapi, Llawr 1, Adain Glan-y-Llyn, YAC, Caerdydd, CF14 4XW
- Prif Gyntedd, Ysbyty Athrofaol Cymru, Caerdydd, CF14 4XW
- Derbynfa Cleifion Allanol CAVOC, Ysbyty Athrofaol Llandochau, Heol Penlan, Llandochau, CF64 2XX
- Prif Fynedfa, Ysbyty’r Barri, Heol Colcot, Y Barri, CF62 8YH
- Prif Fynedfa, Ysbyty Dewi Sant, Heol Ddwyreiniol y Bont-faen, Caerdydd, CF11 9XB
- Prif Fynedfa, Ysbyty Rookwood, 18-20 Heol y Tyllgoed, Caerdydd, CF5 2YN
Eitemau y byddwn yn eu derbyn yn ôl:
- Ffyn cerdded (rhai metel yn unig)
- Fframiau cerdded
- Baglau
- Cerddwyr 3 a 4 olwyn
Eitemau na fyddwn yn eu derbyn yn ôl (at ddefnydd un claf yn unig):
- Braces asgwrn cefn
- Coleri gwddf
- Braces pen-glin
- Braces neu esgidiau traed/pigwrn
Defnyddiwch lanedydd i olchi’r offer, yn enwedig y dolenni, i helpu i leihau’r risg o hai
Os hoffech ddychwelyd unrhyw offer meddygol arall yn ogystal â chymhorthion cerdded, ffoniwch Storfa Offer ar y Cyd BIP Caerdydd a’r Fro:
•02920873673
Os hoffech ddychwelyd cadair olwyn, ffoniwch y Gwasanaeth Aelodau Artiffisial a Chyfarpar ar 02920 313 905.
Os oes angen rhagor o wybodaeth arnoch, cysylltwch â Rob Skellett ar 01443 661759.
