Cefnogi’ch plentyn i ddefnyddio cyllell a fforc

• Er mwyn helpu’ch plentyn i ddysgu, dylech chi geisio cael gwared ar y pethau sy’n tynnu ei sylw (h.y. diffodd y teledu a dyfeisiau electronig eraill).
• Wrth ddefnyddio cyllell a fforc, mae’n bwysig bod eich plentyn yn eistedd yn gyfforddus gyda’i gorff wedi’i gynnal yn dda. Mae hyn yn help iddo ganolbwyntio ar y dasg a chael mwy o reolaeth wrth ddefnyddio’i ddwylo.
• Gwnewch yn siŵr fod eich plentyn yn eistedd wrth y bwrdd ar uchder cyfforddus gyda’i draed yn wastad ar y llawr. Os nad yw ei draed yn cyrraedd y llawr rhowch focs neu stôl o dan ei draed.

Dechreuwch drwy annog eich plentyn i bwyntio gan ddefnyddio ei fynegfys (y bys agosaf at y bawd).

Er mwyn helpu’ch plentyn i gofio pa fys yw hwn, gadewch i’ch plentyn enwi’r bys (gêm ‘Modryb y fawd, bys yr uwd, pen y gogr, Dic y piber a Sioni bach bach’ er enghraifft ).

Dylai mynegfys eich plentyn fod yn pwyntio ac yn gorffwys ar y gyllell a’r fforc er mwyn ei helpu i gael gwell rheolaeth ar y gyllell a’r fforc. Yn ddelfrydol, dylai ei law gryfaf neu’r llaw mae’n ei defnyddio ar gyfer ysgrifennu ddal y gyllell.

Yna rydym yn defnyddio ysgogiadau byr a chryno: “DAL, LLITHRO, LLIFIO” fel sydd yn y lluniau isod.

DAL eich bwyd gyda’r fforc.

LLITHRO eich cyllell ar hyd y fforc.

LLIFIO’r bwyd gyda’r gyllell. Ceisiwch annog llifio yn hytrach na dim ond pwyso ar y bwyd.

• Ymarfer! Mae defnyddio cyllell a fforc yn sgil anodd ei dysgu a gall gymryd amser i’ch plentyn neu berson ifanc ei meistroli.
• Rhowch gyfle i’ch plentyn ymarfer pan nad yw hi’n amser bwyd gan ddefnyddio toes i greu “bwyd” i’w dorri. Gall y plentyn chwarae rôl hefyd drwy esgus bwydo babi dol neu dedi. 
• Mae’n haws dechrau gyda bwydydd meddal, cyn symud at fwydydd caled yn raddol. Efallai y byddwch chi am gefnogi’ch plentyn hefyd drwy ddefnyddio llaw dros ei law i’w arwain, neu gynorthwyo drwy ddal y fforc wrth iddo lifio gyda’r gyllell. 
• Gwnewch yn siŵr fod y plentyn yn dal y gyllell a’r fforc yn gywir. Does dim rhaid i hyn fod yn berffaith ar y dechrau ond mae angen iddo fod yn effeithiol e.e. cyllell y ffordd gywir.
• Byddwch yn barod am dorri anniben a rhywfaint o rwygo bwyd i ddechrau wrth i’ch plentyn ymarfer y sgil newydd hon. 
• Ceisiwch annog eich plentyn i arafu a meddwl am bob cam o dorri’r bwyd (e.e. taro gyda’r fforc, llifio gyda’r gyllell…).
• Wrth ddisgrifio’r weithdrefn, defnyddiwch cyn lleied o eiriau â phosibl er mwyn osgoi dryswch a siarad yn glir ac yn araf, er mwyn i’r plentyn brosesu’r wybodaeth ac addasu ei hun yn unol â hynny.

Ensure the plate does not slip, by using a tablecloth, non-slip mat, or sticky tack to stick the plate to the table. Moulded cutlery can be purchased which has built in grooves to help with the positioning of the hand. It may help putting Gwnewch yn siŵr nad yw’r plât yn llithro drwy ddefnyddio lliain bwrdd, mat rhag llithro, neu dâp gludiog i lynu’r plât ar y bwrdd. Gellir prynu cyllell a fforc gyda phantiau ynddyn nhw sy’n gymorth i osod y bysedd yn eu lle. Beth am roi sticeri neu farnais ewinedd ar yr offer yn gymorth gweledol i’ch plentyn gofio lleoliad y mynegfys ar y gyllell a’r fforc? 

Mae’r enghreifftiau canlynol yn dangos math ac ansawdd cynnyrch perthnasol. Nid ydym yn cymeradwyo unrhyw wneuthuriad penodol.

Cyllyll a ffyrc i Blan – gyda siâp pantiau bysedd arbennig er mwyn cael gwell rheolaeth.

Cyllyll a ffyrc i Oedolio – gyda siâp pantiau bysedd cynnil er mwyn cael gwell rheolaeth.

Cyllyll a ffyrc plant bac – Wedi’u cynllunio’n arbennig i blant ifan

Mat gwrthlithro