Cefnogi’ch plentyn i ddefnyddio’r toiled

Beth alla i wneud i helpu?

• Gwneud yn siŵr bod eich plentyn yn teimlo’n ddiogel ar y tŷ bach.
• Efallai bod angen sedd toiled plentyn er mwyn helpu gyda hyn.
• Gwneud yn siŵr bod rhywbeth yn cynnal traed eich plentyn – e.e. gris neu rywbeth cadarn ar y llawr

Beth alla i wneud i helpu?

• Rhowch ddillad digon llac i’ch plentyn er mwyn iddo/iddi allu gwisgo ei hunan. Ceisiwch osgoi ffasninau bach anodd i’w cau a chael dillad gyda gwasg elastig
• Ymarferwch ddefnyddio ‘Cadwyno’n ôl’. Mae rhagor o fanylion yn y ddolen hon
• Mae’n werth ymarfer hyn pan fydd digon o amser gennych a’r plentyn ddim angen mynd i’r tŷ bach

Beth alla i wneud i helpu?

• Defnyddio’r un camau bob tro, e.e. torchi llewys, agor y tap, gwlychu dwylo, rhoi sebon, rhwbio dwylo gyda’i gilydd, rinsio dwylo, cau’r tap, ysgwyd dwylo, sychu dwylo.
• Gosodwch restr weledol wedi’i lamineiddio ar uchder llygaid eich plentyn wrth y sinc
• Gwnewch yn siŵr bod eich plentyn yn gallu cyrraedd y sinc yn hawdd – efallai bydd angen gris

Beth alla i wneud i helpu?

• Mae angen i blant ddod i ddeall eu corff a sut mae’n gweithio – rydyn ni’n galw hyn yn “ymwybyddiaeth gorfforol”. Dyma rai gweithgareddau sy’n gallu gwella hyn: neidio, rowlio o ochr i ochr, caneuon symud, bownsio ar bêl sboncio ac ymlusgo ar y bol.
• Dylai eich plentyn ddeall beth yw ‘y tu ôl’ hefyd. Chwaraewch gêm gyda bagiau ffa a gofyn i’ch plentyn basio’r bag ffa o gwmpas ei gorff gan symud y bag ffa o un llaw i’r llall y tu ôl i’w gefn. Pan fydd yn gallu gwneud hyn, dywedwch wrth eich plentyn basio’r bag ffa rhwng y coesau o’r tu ôl. Gwnewch hyn yn anoddach drwy ofyn iddo/iddi sefyll ar un goes.
• Rhowch rywbeth o dan draed eich plentyn tra mae’n eistedd ar y tŷ bach. Bydd hyn yn ei helpu i deimlo’n fwy hyderus wrth bwyso i un ochr i sychu ei hun.
• Gadewch i’ch plentyn ymarfer sychu ei ben ôl (e.e. gan ddefnyddio ‘Crazy Soap’) yn y bath neu’r gawod. Gofynnwch i’ch plentyn blygu ar ei liniau yn y bath er mwyn sychu ei hun. Atgyfnerthwch y dechneg o ymestyn y tu ôl er mwyn gwneud hyn.
• Bydd eich plentyn yn cael gwell ymwybyddiaeth o ble i sychu drwy ddefnyddio gwlanen fwy garw (yn y bath).
• Defnyddiwch weips gwlyb i sychu eich plentyn pan fydd yn defnyddio’r toiled gan fod y rhain yn fwy synhwyraidd. Yna gadewch i’ch plentyn sychu ei hun gyda’r papur tŷ bach.
• Helpwch eich plentyn ar y dechrau, yn ôl yr angen, cyn annog eich plentyn i orffen sychu ei hun ar y diwedd. Dewch â lefel y gefnogaeth i ben yn raddol.