Sut alla i gefnogi fy mhlentyn i ganolbwyntio ar dasgau gartref?

Un o’ch synhwyrau yw’r mewnbwn symudiad (festibwlar). Mae negeseuon gan y derbynyddion festibwlaidd yn cael eu lleoli yn y glust fewnol, sy’n eich helpu i ddeall symudiad a’i berthynas â’r amgylchedd. Mae angen cydbwysedd o seibiannau symud rheolaidd, er mwyn cynnal lefel canolbwyntio a chyffroi trwy gydol y dydd.

Mae propriodderbyniaeth yn synnwyr arall. Mae propriodderbynyddion yn ein holl gyhyrau. Mae’r rhain yn dweud wrthym am safle ein haelodau yn ogystal â’r symudiadau y mae ein corff yn eu gwneud a’r nerth y mae’n ei ddefnyddio. Mae cael ymwybyddiaeth briodol o bropriodderbyniaeth y corff yn rhoi adborth synhwyraidd cyson a chlir i ni am ein corff. Mae’r adborth hwn yn ein helpu i drefnu ein corff ar gyfer gweithgareddau dyddiol. Gweithgaredd propriodderbyniaeth yw rheoleiddiwr ein synhwyrau hefyd ac mae’n gallu helpu i dawelu plentyn gorfywiog a chynhyrfus. Mae’n gallu cael ei ddefnyddio hefyd i gynyddu lefel deffroad plentyn a chymell y corff fel bod gweithgareddau penodol yn gallu cael eu gwneud.

Byddai’r syniadau canlynol o fudd i ddatblygu’r meysydd uchod. Mae angen amrywiaeth o’r gweithgareddau hyn ar eich plentyn drwy’r dydd. 

Dylech ganfod pa weithgareddau sy’n cyffroi a pha weithgareddau sy’n tawelu a defnyddio cyfuniad o’r gweithgareddau hyn drwy’r dydd i gydbwyso angen eich plentyn i symud.

• Cael y plentyn i wneud tasgau symud bach drwy’r diwrnod ysgol, e.e. symud dodrefn; cario pethau o’r dosbarth i’r ystafell ddosbarth/swyddfa a danfon negeseuon.
• Neidio ar drampolîn, yn araf ac yn rhythmig neu fownsio ar bêl sboncio.
• Offer chwarae fel siglenni, meri-go-rownd, si-so, ceffyl siglo, ac ati.
• Gadael i’r plentyn gnoi rhywbeth pan mae’n rhaid canolbwyntio.
• Gadael i’r plentyn chwarae gyda rhywbeth, e.e. pêl wasgu, wrth wrando.
• Defnyddio clustog symud ac eistedd (mov’n’sit) i gynyddu lefelau deffroad er mwyn gwella sgiliau canolbwyntio ac ymddaliad.
• Codi gwrthrychau trwm (e.e., tywallt dŵr o un cynhwysydd i’r llall, codi blwch teganau, ac ati). Gwneud yn siŵr fod y plentyn yn plygu ei liniau er mwyn osgoi brifo’r cefn wrth godi
• Defnyddio offer cae chwarae megis bariau mwnci, fframiau dringo, ac ati.
• Rasys cropian: esgus bod yn anifeiliaid gwahanol a symud ar hyd y llawr neu gropian mor gyflym â phosibl gan godi malws melys gyda’r geg wrth fynd.
• Dal pêl wrth hanner penlinio (un ben-glin ar y llawr ac un droed ar y llawr). Yn raddol, dod â’r droed sydd ar y llawr yn nes at y corff – mae hyn yn ei gwneud hi’n anoddach!
• Tynnu rhaff wrth sefyll, yn gorwedd ar y bola neu wrth benlinio’n uchel. Defnyddio rhaff neu’r dwylo a cheisio tynnu’r partner dros linell.
• Cwrs rhwystro: Mynd dros, o dan, o gwmpas, wrth ochr, drwodd, yn ôl, ymlaen ac ati.
• Gemau fel ‘Twister’, Mae Seimon yn dweud a ‘Hokey-cokey’
• Driliau baner – y plant yn adlewyrchu eich symudiadau neu ystum
• Gymnasteg – cwympo, trosbennu, llofneidio ac ati.
• Torri olion llaw a throed wedi’u peintio ar gardfwrdd a’u gosod fel llwybr. Gofyn i’r plentyn eu dilyn. Ar ôl y gweithgaredd hwn gall y plentyn godi’r holl olion troed chwith neu’r holl olion troed dde.

• Taflu pêl dros neu drwy gylch neu raff
• Taflu pêl i fannau penodol e.e. cylch neu raff
• Bownsio pêl ar hyd llinell neu gylch rhaff, sgwâr a.y.b.
• Taflu at dargedau – uwch neu is, o ochr i ochr
• Defnyddio peli maint gwahanol neu fenig gludiog, racedi
• Dal, taflu, bownsio

Taenu rhaff ar hyd y llawr a neidio drosti mewn gwahanol batrymau –