Efallai y byddwch yn clywed y term ‘stuttering’ yn ogystal âg atal dweud. Mae’r ddau derm hyn yn golygu’r union un peth.
Mae ‘moment’ o atal yn golygu bod toriad yn y llif wrth siarad. Yna, byddwch yn clywed neu’n gweld ymatebion unigol awtomatig i’r ‘foment’ hon. Bydd y foment o atal yn effeithio ar bobl yn wahanol ar y tu mewn (eu meddyliau a’u teimladau) ac o ran eu hymddygiad (h.y. eu parodrwydd i siarad).
Mae’r wybodaeth ar y dudalen hon wedi’i haddasu o wefan atal ddweud Canolfan Michael Palin (Michael Palin Centre for Stammering).
Gallai plentyn sydd ag atal dweud:
Efallai y bydd plentyn sydd ag atal dweud:
Gall plant ddod mor dda am ddefnyddio’r strategaethau hyn fel na fydd pobl eraill hyd yn oed yn sylweddoli bod ganddynt atal dweud neu’n meddwl bod ganddynt atal dweud ysgafn iawn.
Sylwer: nid yw faint mae plentyn yn siarad ag atal yn dweud wrthym faint mae’n ei boeni.
Gallwch ddilyn y dolenni hyn i gael gwybodaeth fanylach am atal dweud a rhai fideos â chyngor sy’n hawdd eu gwylio:
Darllenwch a rhowch gynnig ar ein Cynghorion Campus ar gyfer plentyn sydd ag atal dweud.
Rydym bob amser yn argymell bod teuluoedd yn gofyn am atgyfeiriad os ydynt yn poeni, hyd yn oed os nad yw eich plentyn yn poeni. Bydd cyngor a chymorth cynnar yn cael eu rhoi, gan ddibynnu ar eich anghenion unigol.
Yng Nghaerdydd a’r Fro, rydym yn cynnig apwyntiad dros y ffôn (neu wyneb-yn-wyneb ambell waith, yn enwedig os oes angen dehonglydd) â’r prif ofalwr er mwyn i ni drafod eich pryderon unigol a chael sgwrs am ba gymorth fyddai’n fwyaf defnyddiol i chi a’ch plentyn ar y pryd. Efallai yr hoffech chi baratoi unrhyw gwestiynau a gwybodaeth am sut mae atal dweud yn effeithio neu beidio ar eich plentyn a’r bobl sy’n agos ato.
Gallai apwyntiad arall gael ei drefnu i gael asesiad wyneb-yn-wyneb neu drwy fideo, a fyddai’n cynnwys rhyw fath o asesiad iaith a lleferydd ffurfiol/anffurfiol. Fel arall, gallai teuluoedd gael eu hannog i ddilyn cyngor dros y ffôn am gyfnod penodol i ddechrau, cyn edrych ar gynnydd. Yn ystod y cyfnod hwn, gall rhiant gysylltu â’r gwasanaeth am eglurhad o beth ddylai ei wneud.
Mae rhywfaint o’r therapi rydym yn ei gynnig yn eich cynnwys chi a’ch plentyn yn cael eich recordio ar fideo ar eich dyfais eich hun, er mwyn i chi allu rhoi sylwadau ar batrymau rhyngweithio ar sail chwarae (os byddwn yn defnyddio dyfais gwaith, byddwn yn dod i gytundeb â chi am storio unrhyw fideo yn ddiogel am gyfnod penodol, os bydd y deunydd hwnnw’n ffurfio rhan o gofnodion cyfrinachol yr achos. Gall deunydd sydd ei angen ar gyfer y sesiwn honno yn unig gael ei ddileu ar ôl ei ddefnyddio). Cynnwys y ddau riant mewn sesiynau sydd fwyaf effeithiol, gan y bydd yn ein galluogi i nodi gwahaniaethau mewn arddulliau sgwrsio.
Byddwch yn gweld eich bod eisoes yn gwneud llawer yn naturiol i helpu’ch plentyn i gyfathrebu. Mae fideo yn eich galluogi i amlygu lle gallai’ch plentyn elwa dros dro ar rai addasiadau i arddulliau sgwrsio. Gallwch chi a’ch therapydd siarad am y posibiliadau hyn gyda’ch gilydd, gan gofio nad oes unrhyw beth rydych chi’n ei wneud eisoes yn wahanol i unrhyw rieni eraill, ond y gallai fod angen rhywbeth ychwanegol ar blentyn sydd ag atal dweud am gyfnod. Nid yw rhieni’n achosi atal dweud.
Rydym yn ceisio lleihau’r stigma mewn perthynas ag atal dweud a gwarchod plant rhag datblygu hunanddelwedd negyddol. Rydym yn ceisio newid y geiriau rydym yn eu defnyddio i ddisgrifio atal dweud, felly yn ceisio dweud “yn atal mwy pan…” yn hytrach nag “wedi cael diwrnod gwael” neu “yn gwaethygu”.
Mae llawer o ffyrdd y gall therapydd iaith a lleferydd eich cefnogi chi a’ch plentyn. Mae’r rhain yn cynnwys y canlynol:
Mae pob plentyn a phob teulu yn wahanol. Bydd eich therapydd yn cydweithio’n agos â chi i gytuno ar nodau unrhyw therapi ac yna’n teilwra’r cymorth y bydd yn ei gynnig i chi a’ch plentyn.
Ar gyfer plant hŷn, bydd blaenoriaethau therapi yn amrywio ar adegau gwahanol o fywyd unigolyn ifanc. Rydym yn cynnwys y plentyn ac yn ei helpu i wneud penderfyniadau gwybodus am nodau therapi.
Ein nod yw y bydd therapi yn ei helpu i reoli ei iaith lafar ac yn teimlo’n hyderus ac yn gymwys i siarad. Yn aml, mae pobl ifanc yn cyfrannu at addysgu gwrandawyr am eu hatal dweud eu hunain, gyda’r therapydd iaith a lleferydd yno i hwyluso.
Bydd y therapydd yn cynllunio therapi i gyd-fynd ag anghenion eich plentyn; gall hyn olygu gweithio’n uniongyrchol gyda’ch plentyn, naill ai ar sail un-i-un neu mewn grŵp.
Mae’n debyg o gyfuno rhai o’r elfennau canlynol:
Sesiynau grŵp: bydd pobl ifanc weithiau’n nerfus pan fyddaf yn sôn am y rhain ond rwy’n eich sicrhau, unwaith y bydd pobl yn dechrau dod i’r grwpiau hyn, anaml y byddan nhw am roi’r gorau iddi. Mae’r sesiynau yn cael eu cynnal mewn amgylchedd hwyliog, hamddenol lle mae’r ffocws ar yr hyn mae’r bobl ifanc am ei gyflawni. Gallai hyn olygu cyfarfod ag eraill sydd ag atal dweud. Rydyn ni’n paratoi person ifanc ar gyfer clywed gwahanol fathau o atal dweud. Nid yw hyn yn golygu y byddan nhw’n dechrau swnio’n debyg i’r rhai fyddan nhw’n eu clywed.
Mae therapi yn debygol o gynnwys rhywfaint o waith gyda rhieni neu’r teulu hefyd. Gall gwneud newidiadau i’r ffordd y mae’r teulu yn cyfathrebu (er enghraifft, gweithio ar gymryd tro i siarad a lleihau ymyrraeth) fod o gymorth i’r plentyn sydd ag atal dweud.
Os yw eich plentyn yn canolbwyntio ar wahanol ffyrdd o siarad, bydd gofyn iddo ymarfer gartref i weld a yw hyn yn gweithio iddo. Heb ymarfer byddwn yn derbyn nad yw ffyrdd newydd o siarad yn mynd i ddod yn haws, felly bydd sicrhau bod y plentyn yn cael ei ysgogi a’i gefnogi gartref yn allweddol i lwyddiant yr agwedd hon ar therapi. Gall lefelau cymhelliant amrywio ar gyfer unrhyw agwedd ar therapi. Os nad yw eich plentyn yn hapus, siaradwch â’r therapydd i weld a oes ganddo awgrymiadau eraill gan nad yw’n ateb sy’n siwtio pawb. Peidiwch â rhoi’r gorau iddi gan feddwl mai dim ond un dull sydd ar gael.
Os oes gan eich plentyn atal dweud o hyd ond mae’n hapus iawn gyda’r ffordd mae’n swnio, mae hynny’n iawn. Gall pobl ifanc gael eu rhyddhau o’r gwasanaeth os nad oes angen cymorth ar y pryd, a gallan nhw ddychwelyd os ydyn nhw’n dymuno ailddechrau gyda’r therapi.
Gall y therapydd gysylltu ag ysgol eich plentyn hefyd a rhoi cyngor i athrawon ar sut i gefnogi eich plentyn yn y dosbarth. Efallai y bydd y therapydd hyd yn oed yn cefnogi athrawon i siarad â gweddill y dosbarth am atal dweud, yn enwedig os yw’r plentyn yn cael ei bryfocio neu wedi cael ymateb annifyr yn yr ysgol.
Rydyn ni’n cysylltu’n rheolaidd ag ysgolion uwchradd pan ddaw hi’n adeg pontio er mwyn trefnu cyfarfod neu fod yn llefarydd ar ran person ifanc sydd ag atal dweud. Bydd hyn yn gyfle i hysbysu’r ysgol am unrhyw addasiadau rhesymol sydd eu hangen… neu beidio, gan nad ydyn ni’n cymryd yn ganiataol eu bod angen help.
Os ydych chi wedi darllen yr holl wybodaeth ar y dudalen hon, mae hynny’n anhygoel! Rydych chi ar y llwybr cywir i gefnogi eich plentyn yn effeithiol.
Rydyn ni hefyd eisiau tynnu sylw at y ffaith bod ymwybyddiaeth o wahaniaethau yn cael ei dderbyn fwyfwy ym mhob rhan o fywyd y dyddiau hyn. Mae pobl yn fwy agored ynghylch anableddau, iechyd meddwl, dyslecsia ac mae’r rhestr yn parhau. Mae ymgyrchoedd codi ymwybyddiaeth yn dangos bod pobl sydd ag atal dweud yn gallu bod yn gyfathrebwyr ysbrydoledig gyda llawer o empathi, ac nad pobl wan, nerfus ydyn nhw. Mae rhai pobl yn dewis gweithio ar swnio’n wahanol tra bod eraill eisiau i wrandawyr dderbyn bod ganddyn nhw atal dweud. Mae’r gymuned atal dweud yn gyfeillgar iawn ac mae eu sgyrsiau a’u cynadleddau yn llawn cyfleoedd i bobl gwrdd a chael eu hysbrydoli gan siaradwyr sy’n digwydd bod ag atal dweud. Er bod llawer o blant yn rhoi’r gorau i fod ag atal dweud wrth fynd drwy gamau datblygiadol, nid oes raid i atal dweud ddiffinio unigolyn sy’n parhau i fod ag atal dweud. Po fwyaf y bydd pobl ifanc yn cael cydnabyddiaeth ac yn dechrau adnabod eu rhinweddau cadarnhaol, y lleiaf y byddan nhw’n cael trafferth.
We’re currently working to improve the Keeping Me Well website. If you’d like to help us make this site a better, more helpful experience for you, please take a few minutes to let us know what improvements you’d like to see.