Bwyta i Baratoi ar gyfer Triniaeth Canser

Mae maethiad da yn bwysig ym mhob agwedd ar iechyd, yn enwedig wrth baratoi ar gyfer triniaeth canser. Mae’n bwysig bwyta’r balans cywir ac amrywiaeth o wahanol fwydydd er mwyn sicrhau bod eich corff yn cael popeth y mae ei angen. Mae hyn hefyd yn bwysig er mwyn helpu i atal eich corff rhag dioddef o ddiffyg maeth.

Mae diffyg maeth yn gyflwr sy’n cael ei achosi gan ddiffyg maetholion allweddol. Mae’n gallu gwneud i chi golli pwysau a mynd yn wan, yn flinedig, yn cael trafferth ymladd heintiau neu eich atal rhag cwblhau triniaethau canser.

Ar ôl cael diagnosis o ganser, efallai eich bod wedi colli pwysau neu’n cael trafferth bwyta ac yfed. Gall hyn fod oherwydd gofid a gorbryder, trafferthion llyncu, llai o archwaeth, neu newid yn y ffordd mae eich corff yn treulio’ch bwyd a’ch diod. Mae’n bwysig peidio colli pwysau annisgwyl; rhaid cynnal deiet maethlon da.

Trwy ddilyn deiet maethlon, rydych chi’n gallu:

Cynnal pwysau corff iach.
Diogelu cyhyrau a chryfder.
Lleihau sgileffeithiau triniaeth.
Annog gwydnwch corfforol i gwblhau’r driniaeth sydd wedi’i chynllunio.

Ymwyaf y gallwch chi ei wneud nawr i wella’ch deiet, y mwyaf fydd gan eich corff wrth gefn ar gyfer triniaeth, er mwyn i’r corff allu parhau â’ch gweithgareddau arferol.