Offeryn Hunanarfarnu Llesiant – I’w ddefnyddio ar ôl diagnosis Canser

Deall eich teimladau a phryd i geisio cymorth

Mae’n gyffredin profi cyfnodau o drallod seicolegol yn dilyn diagnosis o ganser. Gall fod yn anodd gwybod a yw eich teimladau’n ymateb cyffredin neu’n rhywbeth mwy difrifol.

Defnyddiwch y system goleuadau traffig isod i nodi pa olau sy’n cynrychioli sut rydych chi’n teimlo nawr ac a oes angen i chi geisio cymorth pellach.

Ceisii Cymorth – Os oes unrhyw un o’r anawsterau hyn yn bresennol, ceisiwch gymorth brys gan eich meddyg teulu neu weithiwr iechyd proffesiynol perthnasol arall

Ystyried Cymorth – Rydych yn debygol o elwa o gymorth i wella’ch llesiant. Ystyriwch drafod eich cymorth gydag unrhyw weithiwr iechyd proffesiynol sy’n ymwneud â’ch gofal.

Parhau – Os ydych chi’n teimlo eich bod yn gallu rheoli’r teimladau anodd sy’n codi, daliwch i ddefnyddio strategaethau sy’n helpu. Efallai yr hoffech ystyried cymorth pe bai hyn yn newid.

Ceisio Cymorth

Teimlo wedi’ch llethu, yn sownd, ac yn methu gweithredu’r rhan fwyaf o’r amser, y rhan fwyaf o ddiwrnodau
Sylwi ar newidiadau sylweddol mewn hwyliau neu lefel pryder
Pryderon am eich gallu i reoli eich teimladau
Teimlo’n unig ac yn methu rhannu eich teimladau gyda’ch teulu neu’ch ffrindiau
Teimladau o anobaith, neu ddiffyg teimlad
Newidiadau sylweddol o ran cysgu, bwyta, neu agweddau eraill ar weithredu o ddydd i ddydd
Meddyliau am niweidio eich hun neu eraill
Meddyliau hunanladdol am ddod â’ch bywyd i ben

Ystyried Cymorth

Anawsterau cymell eich hun a rheoli bywyd o ddydd i ddydd
Dim ond ychydig o ymgysylltu â gweithgareddau a pherthnasoedd ystyrlon
Teimladau amrywiol fel pryder, ofn, hwyliau isel, rhwystredigaeth
neu ddicter sy’n teimlo’n amhosibl ei reoli
Teimlo’n sownd ac yn cael eich llethu gan eich teimladau weithiau
Meddwl bod eisiau i chi ddod o hyd i ffyrdd newydd o reoli eich teimladau

Parhau

Ymgysylltu â gweithgareddau a pherthnasoedd ystyrlon
Gosod nodau dyddiol rydych yn gallu eu rheoli a’u cyflawni
Teimladau amrywiol fel pryder, ofn, hwyliau isel, rhwystredigaeth, neu ddicter sy’n teimlo fel rhai y gallwch eu trin
Defnyddio strategaethau defnyddiol i reoli a gwella eich llesiant

Lawrlwythwch eich copi o’r Offeryn Hunanwerthuso Lles