Helpu eich hun

Adnoddau cyffredinol ydy’r rhain, heb eu teilwra i anghenion unigolyn, felly rydym yn argymell eich bod yn gwneud y canlynol bob tro cyn defnyddio’r adnoddau hyn. 

• Gwyliwch neu ddarllenwch yr adnodd yn llawn bob amser cyn ei ddefnyddio. Dylech chi bwyso a mesur – ai dyma’r adnodd gorau i chi? A ydych chi’n hyderus y byddwch chi’n gallu gwneud yr ymarferion? Os mai ‘na’ yw’r ateb, yna dylech chi roi cynnig ar rywbeth rydych chi’n teimlo’n hyderus ag ef.  
• Os ydych chi’n dilyn dosbarth am y tro cyntaf, rydym yn argymell gweithio’n raddol tuag at y dosbarth llawn. Dylech chi stopio’r fideo a gorffwys os oes angen.   
• Gwnewch yn siwr nad oes rhwystrau o’ch cwmpas a bod gennych chi ddigon o le i wneud ymarfer corff yn ddiogel.   
• Gosodwch arwyneb cadarn i gael gwell cynhaliaeth i’r corff os byddwch angen un. Mae’n bwysig gwisgo esgidiau cyfforddus a chadarn bob amser wrth ymarfer.   
• Os byddwch chi wedi gwneud mwy o ymarfer corff nag arfer, mae teimlo’r cyhyrau wedi cyffio y diwrnod wedyn yn gyffredin. Bydd hyn yn lleihau wrth i chi ymarfer mwy. Fodd bynnag, os byddwch chi mewn poen, neu’n dioddef pendro neu ddiffyg anadl difrifol wrth wneud ymarfer corff, dylech chi roi’r gorau iddi yn syth.