Haint Ewinedd Ffwngaidd
Mae Haint Ewinedd Ffwngaidd yn cael ei achosi gan yr un haint â Tharwden y Traed (Athlete’s Foot).
Mae’n gallu gwneud i’ch ewinedd fynd yn wyn, du, melyn neu frown ac yn aml yn drwchus. Weithiau, efallai y byddan nhw’n friwsionllyd pan fyddwch chi’n eu torri.
Rydych chi’n fwy tebygol o gael haint ewinedd ffwngaidd os:
- nad ydych chi’n cadw’ch traed yn lân ac yn sych
- ydych chi’n gwisgo esgidiau sy’n achosi i’ch traed fynd yn boeth a chwyslyd
- ydych chi’n cerdded o gwmpas yn droednoeth mewn mannau lle gall heintiau ffwngaidd ledaenu’n hawdd, fel cawodydd cyhoeddus, ystafelloedd newid a champfeydd
- ydych chi wedi niweidio’ch ewinedd
- oes gennych chi system imiwnedd gwan yn ogystal â rhai cyflyrau iechyd eraill, fel diabetes.
Gall heintiau ewinedd ffwngaidd fod yn anodd eu trin ond nid oes angen triniaeth ar haint ewinedd ysgafn bob amser os nad yw’n achosi problemau i chi.
Os ydych chi’n poeni am ymddangosiad yr ewinedd neu os yw’n anghysurus, siaradwch â’ch fferyllydd neu feddyg teulu am driniaethau sy’n addas i chi. Efallai y gallwch ddefnyddio
- Paent ewinedd gwrth-ffwngaidd – paent arbennig i’w roi ar yr ewin dros gyfnod o sawl mis
- Tabledi gwrth-ffwngaidd – tabledi sy’n cael eu cymryd unwaith neu ddwywaith y dydd am sawl mis
- Gall gweithdrefn i dynnu’r ewin gael ei hargymell os yw’r ewin yn boenus iawn
- Mae Triniaeth Laser, lle mae laser egni uchel yn cael ei ddefnyddio i ddinistrio’r ffwng yn opsiwn hefyd. Dim ond yn breifat y mae hyn ar gael ac mae’n gallu bod yn ddrud.
Hefyd yn yr adran hon
Ar o ddilyn y cyngor, os nad yw eich problem yn gwella fel y byddech yn ei ddisgwyl gyda hunanofal, dylech gysylltu â gweithiwr gofal iechyd proffesiynol i gael cyngor.
Gall fod yn feddyg teulu, fferyllydd, gwasanaeth podiatreg y GIG neu bodiatregydd preifat. Gwnewch yn siŵr bod eich podiatregydd wedi’i gofrestru gyda’r Cyngor Proffesiynau Iechyd a Gofal ac edrychwch am y llythrennau HCPC ar ôl ei enw.
