Prosiectau Ymchwil a Datblygu Podiatreg
Mae Adran Podiatreg Bwrdd Iechyd Prifysgol Caerdydd a’r Fro yn cymryd rhan mewn amrywiaeth o brosiectau ymchwil. Nod yr ymchwil yma yw gwella’r gofal a’r gwasanaethau rydyn ni’n eu darparu i’n cleifion.
Os oes gennych chi ddiddordeb mewn cymryd rhan mewn ymchwil, gallwn gysylltu â chi gyda mwy o wybodaeth. Cysylltwch â’r gwasanaeth podiatreg ar 02920 i 335135 neu anfonwch e-bost at Podcav@wales.nhs.uk.
Os byddwch yn penderfynu peidio â chymryd rhan, ni fydd eich penderfyniad yn effeithio ar safon y gofal rydych yn ei gael gan y Tîm Podiatreg.
Gweler isod y prosiectau presennol sy’n cael eu cynnal:
Prosiect a gafodd ei ariannu gan NIHR yn ymchwilio i drin traed fflat poenus mewn plant a phobl ifanc.
Cymrodoriaeth Ymchwil Cyntaf RCBC sy’n astudio mynediad cynnar at adnoddau rhithwir ar gyfer hunanreoli Plantar Fasciitis mewn oedolion.
Project a gafodd ei ariannu gan Iechyd Cyhoeddus Cymru i wella cryfder a chydbwysedd plant ysgolion cynradd drwy ymgysylltu gweledol.
Prosiect cydweithredol gyda CEDAR i ddelio â’r anghydraddoldebau iechyd ac ymchwil mewn grwpiau a dangynrychiolir yng Nghymru.
Prosiect cydweithredol gyda Coloplast Ltd yn ymchwilio i effeithiolrwydd costau gofal a rennir mewn ymyriadau gofal clwyfau.
