Poen yn y Pigwrn
Mae llawer o bethau yn gallu achosi poen yn y pigwrn a nifer o bethau y gallwch chi wneud eich hun i helpu.
- Gwnewch yn siŵr eich bod chi’n gorffwys a chodi’ch pigwrn pan ydych chi’n gallu
- Rhowch becyn iâ (neu becyn o bys wedi rhewi) mewn tywel ar eich cymal am hyd at 20 munud bob dwy i dair awr
- Gwisgwch esgidiau llydan, cyfforddus, gyda sodlau isel sy’n cynnal y droed
- Defnyddiwch fewnwadnau neu badiau sawdl yn eich esgidiau
- Lapiwch rwymyn o amgylch eich pigwrn i’w gynnal
- Gwnewch ymarferion ysgafn rheolaidd a daliwch ati i symud
- Defnyddiwch ‘gel’ lleddfu poen neu gymryd eich lladdwyr poen arferol
- Colli pwysau
Dylech chi ffonio 111 ar frys os ydych chi wedi cael anaf neu boen difrifol sy’n dechrau’n sydyn A HEFYD
- Os clywsoch chi sŵn torri, cracio neu bopio pan ddigwyddodd
- Os dydych chi ddim yn gallu sefyll na cherdded
- Os yw eich troed neu eich coes wedi newid siâp
Peidiwch â:
- Gwisgo sodlau uchel, esgidiau heb lasys nac esgidiau sydd ddim yn cynnal y traed
- Sefyll na cherdded am gyfnodau hir nac ar dir anwastad
- Cymryd Ibuprofen am y 48 awr cyntaf ar ôl unrhyw anaf
Codiadau Croth y Goes
- Rhowch eich traed yn wastad ar y llawr a chodwch ar flaenau eich traed.
- Sefwch ar arwyneb gwastad gyda’ch traed tua chwe modfedd ar wahân.
- Daliwch ar arwyneb sefydlog i gadw cydbwysedd.
- Codwch yn araf ar flaenau bysedd y traed, gan gymryd tair eiliad i godi a thair eiliad i fynd i lawr.
- Gwnewch hyn 20 gwaith, dair gwaith y dydd.
Hefyd yn yr adran hon
Dolenni Defnyddiol
Os oes gennych chi broblem sydd ddim yn gwella fel y byddech yn ei ddisgwyl gyda hunanofal, cysylltwch â gweithiwr gofal iechyd proffesiynol i gael cyngor. Gall fod yn feddyg teulu, fferyllydd, gwasanaeth podiatreg y GIG neu bodiatregydd preifat.
Gwnewch yn siŵr bod eich podiatregydd wedi’i gofrestru gyda’r Cyngor Proffesiynau Iechyd a Gofal ac edrychwch am y llythrennau HCPC ar ôl ei enw.
